“బఫర్ జోన్ లో ఎటువంటి నిర్మాణాలు చేయకూడదు. అందుకే ఎన్ కన్వెన్షన్ కూల్చేశాము. పేద, మధ్యతరగతికి చెందిన కట్టడాలపై ఇప్పుడు చర్యలు తీసుకోవడం లేదు. అటువంటి నిర్మాణాలపై ప్రభుత్వం ఒక నిర్ణయం తీసుకుంటుంది.” అంటూ హైడ్రా కూల్చివేతలపై కమిషనర్ రంగనాథ్ స్పష్టత ఇచ్చారు.
కేటీఆర్, హరీశ్ రావు ఢిల్లీలో బీజేపీ నేతల కాళ్లు మొక్కి కవితకు బెయిల్ తెచ్చుకున్నారని టీపీసీసీ వర్కింగ్ ప్రెసిడెంట్ మహేశ్ కుమార్ గౌడ్ సంచలన వ్యాఖ్యలు చేశారు. కవితకు బెయిల్ రావడంతో బీజేపీ లో బీఆర్ఎస్ విలీన ప్రక్రియ మొదలు కానుందని ఆరోపించారు.
తాడిపత్రిలో ఇసుక అక్రమ రవాణా చేస్తోన్న సొంత పార్టీ నేతలకు జేసీ ప్రభాకర్‌ రెడ్డి వార్నింగ్ ఇచ్చారు. అక్రమ ఇసుక రవాణా చేసే వారందరూ ఆప్తులేనని.. దయచేసి వెంటనే ఆ పనులు ఆపేయాలని హెచ్చరించారు. ఇసుక అక్రమ రవాణా చేసి తనకు దూరం కావొద్దని వేడుకున్నారు.
ఏపీ సీఎం చంద్రబాబును ఉండవల్లిలోని ఆయన నివాసంలో బీజేపీ నేషనల్ జాయింట్ జనరల్ సెక్రటరీ(ఆర్గనైజేషన్) శివప్రకాష్, రాజమండ్రి ఎంపీ, బీజేపీ ఏపీ అధ్యక్షురాలు దగ్గుబాటి పురంధేశ్వరి ఈ రోజు మర్యాదపూర్వకంగా కలిశారు. రాష్ట్ర, దేశ రాజకీయ పరిస్థితులపై వీరు చర్చించినట్లు తెలుస్తోంది.
ఢిల్లీ లిక్కర్ స్కాంపై సీబీఐ, ఈడీ కేసుల్లో కవిత బెయిల్ పిటిషన్‌పై సుప్రీంకోర్టులో న్యాయవాది ముకుల్ రోహత్గీ వాదనలు వినిపించారు. కవిత ఎక్కడికీ పారిపోరని, సిసోడియాకు ఇచ్చిన బెయిల్ అంశాలే ఆమెకు వర్తిస్తాయన్నారు. రూ. 100 కోట్లు చేతులు మారినట్లు ఆరోపణలు మాత్రమే ఉన్నాయన్నారు.
మహేశ్వరంలోని తుమ్మల చెరువును కబ్జా చేశారని బీజేపీ నేత అందెల శ్రీరాములు పోలీసులకు ఫిర్యాదు చేశారు. మాజీ మంత్రి సబితా అండతో కొందరు విచ్చలవిడిగా కబ్జాలు చేశారన్నారు. 8 ఎకరాల తుమ్మల చెరువును రాత్రికి రాత్రే మాయం చేశారని ఆరోపించారు.
టీటీడీ లో భారీగా అక్రమాలు జరిగాయనే ఆరోపణలతో విజిలెన్స్‌ అధికారులు విచారణ చేపట్టారు. ఈ క్రమంలో మాజీ చైర్మన్ భూమన కరుణాకర్ రెడ్డి, ఆలయ అదనపు మాజీ ఈవో ధర్మారెడ్డి కి నోటీసులు ఇచ్చి వివరణ కోరారు.
కడపలో చెత్త పన్నుపై యుద్ధం ముదిరుతోంది. మేయర్ సురేష్‌ బాబు ఇంట్లో మహిళలు చెత్త వేసి.. చెత్త మేయర్ అంటూ నినాదాలు చేస్తూ నిరసన చేపట్టారు. టౌన్‌లో చెత్త సేకరణ చేపట్టకపోతే మేయర్ ఇంటి ముందు చెత్త వేయాలని ఎమ్మెల్యే మాధవిరెడ్డి పిలుపు మేరకు మహిళలు ఆందోళనకు దిగారు.
మహారాష్ట్రలో ఛత్రపతి శివాజీ మహారాజ్‌ విగ్రహం కూలడంపై సీఎం ఏక్‌నాథ్‌ షిండే స్పందించారు. విగ్రహం కూలడం దురదృష్టకరమన్నారు. బలమైన గాలుల కారణంగా విగ్రహం కూలిపోయిందన్నారు. అదే స్థలంలో శివాజీ విగ్రహాన్ని తిరిగి ప్రతిష్ఠిస్తామని ఏక్‌నాథ్‌ షిండే తెలిపారు.
/rtv/media/post_attachments/wp-content/uploads/2024/08/tummala-1.jpg)
/rtv/media/post_attachments/wp-content/uploads/2024/08/Hydra-Ranganadh.jpg)
/rtv/media/post_attachments/wp-content/uploads/2024/08/BRS-BJP-Merge-.jpg)
/rtv/media/post_attachments/wp-content/uploads/2024/08/jc-1.jpg)
/rtv/media/post_attachments/wp-content/uploads/2024/08/Chandrababu-1-1.jpg)
/rtv/media/post_attachments/wp-content/uploads/2024/08/kavitha.jpg)
/rtv/media/post_attachments/wp-content/uploads/2024/08/bjp.jpg)
/rtv/media/post_attachments/wp-content/uploads/2024/06/FotoJet-2024-06-29T200732.052.jpg)
/rtv/media/post_attachments/wp-content/uploads/2024/08/kadapa-3.jpg)
/rtv/media/post_attachments/wp-content/uploads/2024/08/maharastra.jpg)
