PM Modi : అదే ఎజెండాతో ముందుకెళ్లండి.. బీజేపీ 'సీఎం'లకు మోదీ కీలక సూచనలు!

PM Modi: దేశాభివృద్ధి అనే ఏకైక ఎజెండాతో ముందుకెళ్లాలని బీజేపీ పాలిత రాష్ట్రాల ముఖ్యమంత్రులకు ప్రధాని మోదీ సూచించారు. ప్రజా సంక్షేమం కోసం కేంద్ర, రాష్ట్రాలు కలిసికట్టుగా పనిచేస్తేనే అభివృద్ధిచెందిన భారతావని సాకారం అవుతుందన్నారు.

ఈ మేరకు శనివారం ఢిల్లీలో ప్రారంభమైన బీజేపీ పాలిత రాష్ట్రాల ముఖ్యమంత్రుల మండలి సమావేశం ఆదివారం ముగిసింది. ఈ కార్యక్రమానికి హాజరైన మోదీ దేశ ఆర్థిక వ్యవస్థను 5 ట్రిలియన్ డాలర్లకు చేర్చడమే లక్ష్యంగా రాష్ట్ర ప్రభుత్వాలు అభివృద్ధి, సంక్షేమ పథకాలను ఎక్కడికక్కడ అమలు చేయాలని పిలుపునిచ్చారు. అభివృద్ధి కార్యక్రమాల్లో ప్రజల భాగస్వామ్యాన్ని పెంచేందుకు సోషల్ మీడియాను సమర్ధంగా వినియోగించుకోవాలని చెప్పారు.

Also Read : ఒలింపిక్స్‌ విజేత మను భాకర్‌కు రాజకీయ ప్రముఖుల అభినందనలు