YCP MLA: వైసీపీకి బిగ్ షాక్..జనసేన లోకి ఎమ్మెల్యే ?

Pendem Dorababu Into Janasena: అధికార పార్టీ వైసీపీలో అసంతృప్తుల నేతలు అంతకంతకూ పెరిగిపోతున్నారు. ఇప్పటికే పలువురు ముఖ్యనేతలు తమకు సీటు కేటాయించకపోవడంతో ఆ పార్టీ నుంచి బయటకు వెళ్లిపోయారు. కోటంరెడ్డి శ్రీధర్ రెడ్డి, ఆనం రాంనారాయణ రెడ్డి, ఇలా ఒక్కొక్కరిగా పార్టీకి గుడ్ బై చెబుతున్నారు. తాజాగా మరో వైసీపీ ఎమ్మెల్యే అసంతృప్తిగా ఉన్నట్లు జోరుగా ప్రచారం జరుగుతోంది.

కాకినాడ జిల్లా  పిఠాపురంలో వైసీపీ ఎమ్మెల్యే పెండెం దొరబాబు జనసేలోకి వెళ్లుతున్నట్లు వార్త హల్ చల్ చేస్తోంది. తనకు పిఠాపురం సీటు ఇవ్వకపోవడమే ఇందుకు కారణం అని కూడా తెలుస్తోంది. ఇప్పటికే జనసేన నుండి వైసీపీ సిటింగ్ ఎమ్మెల్యే పెండెం దొరబాబుకి గత నాలుగు రోజుల క్రితం పిలుపు వచ్చిందని..జనసేన ముఖ్యనేతలు పెండెం దొరబాబుతో మంతనాలు జరిపారని సమాచారం వినిపిస్తోంది.

Also Read: తెలంగాణలో మళ్లీ కరోనా కల్లోలం.. హైదరాబాద్ లో 14 నెలల చిన్నారికి ఆక్సిజన్.

వివాహం ఉందని నిన్నా హుటా హుటిన ప్లైట్ లో ఎమ్మెల్యే పెండెం దొరబాబు హైదరాబాద్ వెళ్ళినట్లు తెలుస్తోంది. జనసేన లో చేరిక విషయమై హైదరాబాద్ లో సమావేశం అయినట్లు నియోజకవర్గంలో జోరుగా చర్చ జరుగుతోంది. పెండెం దొరబాబు అల్లుడు రక్ష రామయ్య ద్వారా మంతనాలు సురు చేస్తూన్నరనే అనుమానాలు రేకెత్తుతున్నాయి.

ఐదురోజుల క్రితం సీటు లేదని తెలిసాక వందల మంది అనుచర వర్గంతో తాడేపల్లి క్యాంపుకు వెళ్లి తన సత్తా చూపించుకున్నారు పిఠాపురం ఎమ్మెల్యే దొరబాబు. సీటు తనకే కావాలని మరోసారి అవకాశం ఇవ్వాలని మిథున్ రెడ్డి వద్ద పెండెం దొరబాబు సహచర అనుచర వర్గం గట్టిగా పట్టు పట్టినట్లు తెలుస్తోంది.

కాకినాడ ఎంపీ సీటుకు వైసీపీ నుండి పెండెం దొరబాబు కు ఆహ్వానం అందినా దానిని ఆయన తిరస్కరించారని వార్తలు వినిపిస్తున్నాయి. దీంతో మరోసారి పిఠాపురం సీటుపై అధిష్టానం డైనమాలో పడి గత రెండు రోజులుగా నియోజవర్గంలో వైసిపి సర్వే నిర్వహిస్తోంది. కాగా, ఎమ్మెల్యే పార్టీ మార్పుపై పొలిటకల్ హీట్ నెలకొంది.. గంట గంటకు రాజకీయ పరిణామాలు మారుతున్నాయి.