కావాలంటే కాల్చేయండి.. నరికి చంపండి: ఓవైసీ బ్రదర్స్ సంచలన కామెంట్స్

Akbaruddin Owaisi: హైదరాబాద్ లో హైడ్రా కూల్చివేతలు (Hydra Demolition) జోరుగా సాగుతున్న వేళ.. ఓవైసీ బ్రదర్స్ సంచలన కామెంట్స్ చేశారు. వారికి చెందిన ఫాతిమా కాలేజీ సైతం బఫర్ జోన్లో ఉందని.. కొన్ని రోజులుగా సోషల్ మీడియాలో వార్తలు హల్ చేస్తున్న విషయం తెలిసిందే. ఈ నేపథ్యంలో స్పందించిన అక్బరుద్దీన్.. తనపై మళ్లీ బుల్లెట్ల వర్షం కురిపించాలంటూ కామెంట్స్ చేశారు. కావాలంటే కత్తులతో నరికి చంపేయాలి కానీ.. బండ్లగూడలోని ఫాతిమా ఓవైసీ కాలేజీని (Fatima Owaisi College) మాత్రం కూల్చొద్దన్నారు. పేదలకు ఉచిత విద్యనందించేందుకు 12 బిల్డింగ్ లను నిర్మించానన్నారు.

వీటిని కావాలని కొందరు తప్పుగా చూపిస్తున్నారని ఫైర్ అయ్యారు. పేదల విద్యాభివృద్ధికి జరుగుతున్న కృషికి అడ్డుపడొద్దన్నారు. అసదుద్దీన్ ఓవైసీ సైతం హైడ్రాపై స్పందించారు. FTL, బఫర్ జోన్‌లో ఉన్న ప్రభుత్వ భవనాల్నీ కూల్చేస్తారా? అని ప్రశ్నించారు. నెక్లెస్ రోడ్ కూడా FTL పరిధిలోనే ఉందని.. దానికి కూడా కూల్చేస్తారా? అని ధ్వజమెత్తారు. GHMC ఆఫీసు వద్ద నీటి కుంట ఉండేదదని.. దాన్ని కూల్చేస్తారా? అని అన్నారు. కేంద్రానికి సంబంధించిన CCMB ఆఫీస్ హిమాయత్ సాగర్ సమీపంలో ఉందన్నారు. ఇప్పుడు దాన్ని కూల్చేస్తారా? అని హైడ్రాపై ప్రశ్నల వర్షం కురిపించారు.