OTT New Release: చప్పుడు లేకుండా.. ఓటీటీలోకి వచ్చేసిన సరికొత్త కామెడీ సినిమా.. 

OTT New Release: ఈమధ్య సినిమాలు ఓటీటీలోకి చాలా త్వరగా వచ్చేస్తున్నాయి. కొన్ని సినిమాలు థియేటర్ రన్ పూర్తికాకుండా కూడా సైలెన్స్ గా ఓటీటీలో ప్రత్యక్షం అయిపోతున్నాయి. దాదాపుగా ప్రతివారం ఒక కొత్త సినిమా ఓటీటీలోకి సర్ప్రైజ్ ఎంట్రీ ఇచ్చేస్తోంది. ఇదిగో ఇప్పుడు కూడా ఒక కొత్త కామెడీ సినిమా ఓటీటీలోకి దూసుకువచ్చేసింది. 

OTT New Release: అల్లరి నరేష్ అంటేనే కామెడీకి కేరాఫ్ ఎడ్రస్. ఇటీవల నరేష్ హీరోగా చేసిన ఆ ఒక్కటి అడక్కు.. డీసెంట్ కామెడీ ఫిల్మ్ గా థియేటర్లలో సందడి చేసింది. మల్లి అంకం దర్శకత్వం వహించిన ఈ సినిమా ఎబౌ ఏవరేజ్ గా నిలిచింది. చాలాకాలంగా మంచి బ్రేక్ కోసం చూస్తున్న అల్లరి నరేష్ కు బ్రేక్ ఇవ్వకపోయినా ఫర్వాలేదు అనే స్థాయిలో ఈ సినిమా పేరు తెచ్చుకుంది. సినిమా విడుదలకు ముందు మంచి బజ్ క్రియేట్ చేసింది. టీజర్, ట్రైలర్ ప్రేక్షకులను బాగా ఆకట్టుకున్నాయి. హిట్ సినిమా టైటిల్ కావడం.. అదీ ఈవీవీ సినిమా టైటిల్ అవడం.. అందులో అల్లరి నరేశ్ హీరో కావడంతో సినిమా మీద మంచి అంచనాలే ఏర్పడ్డాయి. అయితే, ఆ రేంజ్ అంచనాలను సినిమా అందుకోలేకపోయింది. 

Also Read: సినీ ప్రేమికులకు పండగ రోజు.. మల్టీప్లెక్స్ ల్లో 99 రూపాయలకే సినిమా! 

OTT New Release: ఇప్పుడు ఈ సినిమా సైలెంట్ గా ఓటీటీలోకి ఎంట్రీ ఇచ్చేసింది. ఎటువంటి సమాచారం.. హంగామా లేకుండా అమెజాన్ ప్రైమ్ వీడియోస్ లో ప్రీమియర్ అవుతోంది. సినిమా విడుదల పై ఎటువంటి సమాచారం లేకుండానే చప్పుడు కాకుండా స్ట్రీమింగ్ కి రావడంతో అందరూ ఆశ్చర్యపోతున్నారు. కుటుంబ ప్రేక్షకులకు ఈ సినిమా ఓటీటీలో చేరువ అవుతుందని భావిస్తున్నారు. మరి ఆ ఒక్కటీ అడక్కు సినిమాకు ఓటీటీలో ఎలాంటి బజ్ వస్తుందో చూడాలి. 

చిలక ప్రొడక్షన్స్ బ్యాన‌ర్‌పై రాజీవ్ చిలక తెరకెక్కించిన ఈ మూవీలో జాతిరత్నాలు ఫేం ఫరియా అబ్దుల్లా హీరోయిన్ గా చేసింది. ఇక వెన్నెల కిషోర్, జామీ లివర్, వైవా హర్ష, అరియానా గ్లోరీ త‌దిత‌రులు సినిమాలో సందడి చేశారు.