Open AI: చాట్ జీపీటీలో వాయిస్ ఫీచర్.. అందరికీ అందుబాటులోకి.. 

AI పరిశోధన సంస్థ Open AI తన చాట్‌బాట్ 'ChatGPT'లో వినియోగదారులందరికీ వాయిస్ ఫీచర్‌ను అందుబాటులోకి తెచ్చింది. ఈ ఫీచర్ ద్వారా ChatGPT తన సొంత వాయిస్‌లో మీతో మాట్లాడగలుగుతుంది. కంపెనీ ఈ ఫీచర్‌ని సెప్టెంబర్‌లో తీసుకొచ్చింది.  అయితే మొదట్లో ఇది ప్లస్ అలాగే  ఎంటర్‌ప్రైజ్ సబ్‌స్క్రైబర్‌లకు మాత్రమే అందుబాటులోకి తెచ్చింది. 

ఇప్పుడు వినియోగదారులందరూ ChatGPITలో ప్రశ్నలు అడగడానికి, అభిప్రాయాన్ని స్వీకరించడానికి అలాగే, కొనసాగుతున్న సంభాషణలలో పాల్గొనడానికి వారి వాయిస్‌ని ఉపయోగించగలరు. Android-iOS ఆపరేటింగ్ సిస్టమ్‌ల యాప్‌లు ఈ ఫీచర్‌ను ఉపయోగించగలవు. భారతదేశంలో ప్లస్ నెలవారీ సభ్యత్వం రూ. 1,999గా ఉంది.

ChatGPIT వాయిస్ ఫీచర్
OpenAI వివరాలు X (గతంలో Twitter)లో ఒక పోస్ట్‌లో ప్రకటించారు.  ఒక వీడియోను కూడా షేర్ చేశారు.  అందులో యూజర్లు వాయిస్ ఫీచర్‌ని ఎలా ఉపయోగించవచ్చో కంపెనీ చూపించింది.

• వినియోగదారులు తమ ఫోన్‌లలో యాప్‌ని డౌన్‌లోడ్ చేసుకోవచ్చు.  హెడ్‌ఫోన్ ఐకాన్ పై క్లిక్ చేయడం  ద్వారా సంభాషణను ప్రారంభించవచ్చు.
• కొత్త వాయిస్ ఫీచర్ ChatGPTతో ముందుకు వెనుకకు సంభాషణలను అనుమతిస్తుంది.
• ఇది వినియోగదారు ప్రశ్న అడగడంతో ప్రారంభమవుతుంది.  సంభాషణను మాన్యువల్‌గా ముగించవచ్చు లేదా మాట్లాడటం ఆపివేయవచ్చు.
• ChatGPT ప్రశ్నలకు సమాధానమిస్తుంది.  అంతరాయం లేని సంభాషణలను అనుమతిస్తుంది.

Also Read: ఏపీలో రోడ్ల దుస్థితిపై స్వయంగా వీడియో తీసిన వైసీపీ ఎంపీ.. ఏం చేశాడంటే..?

ఇదిలా ఉంటె, CEO సామ్ ఆల్ట్‌మాన్ తొలగింపుపై వివాదంలో పడింది ఓపెన్ ఏఐ. Open AIలోని బృందం దాని CEO సామ్ ఆల్ట్‌మాన్‌ను ఆకస్మికంగా తొలగించడం- తిరిగి రావడానికి జరుగుతున్న చర్చల కారణంగా ఇబ్బందులు ఎదుర్కొంటోంది. ముందుగా సామ్ ఆల్ట్‌మాన్ ను  CEOగా తొలగించినట్లు ప్రకటించారు. తరువాత అతను తిరిగి వచ్చాడని చెప్పారు. దీంతో పాటు  కొత్త బోర్డు ఏర్పడింది. ChatGPITని సృష్టించిన Open AI సహ వ్యవస్థాపకులు సామ్ ఆల్ట్‌మాన్ మరియు గ్రెగ్ బ్రోక్‌మాన్ తిరిగి కంపెనీకి చేరుకున్నారు. సామ్ CEOగా - గ్రెగ్ అధ్యక్షుడిగా తిరిగి రావడంతో కొత్త బోర్డు ఏర్పడింది. OpenAI మునుపటి బోర్డు శనివారం వారిద్దరినీ తొలగించింది.

Watch this interesting Video: