టీ-సాట్ నిపుణ ఛానల్ లో సాయంత్రం 5 గంటల నుంచి రాత్రి 10 గంటల వరకు, అవే ప్రసారాలను మరుసటి రోజు ఉదయం 5 గంటల నుంచి 10 గంటల వరకు విద్య చానల్ ద్వారా ప్రసారం చేస్తామని వేణుగోపాల్ రెడ్డి వివరించారు. ఇప్పటికే గ్రూప్-1 ప్రిలిమ్స్ అభ్యర్థుల కోసం సుమారు 1200 గంటల అవగాహన పాఠ్యాంశాలను అందించి గ్రూప్-1 ప్రిలిమ్స్ నుంచి మెయిన్స్ పరీక్షకు అర్హత సాధించేందుకు అభ్యర్థులకు టీ-సాట్ అండగా నిలిచిందని ఆయన తెలిపారు. మరో మూడు నెలల్లో జరగనున్న గ్రూప్-1 మెయిన్స్ పరీక్షకు సైతం అదే ప్రోత్సాహాన్ని టీ-సాట్ అందిస్తోందని, పరీక్షకు హాజరయ్యే అభ్యర్థులు ఈ అవకాశాన్ని సద్వినియోగం చేసుకోవాలని సీఈవో సూచించారు. లక్షల రూపాయలు వెచ్చించి కోచింగ్ సెంటర్లకు వెళ్లకుండా ఇంటి వద్దే ఉండి టీ-సాట్ అందించే ప్రసారాల ద్వారా నిరుద్యోగ యువత మంచి ఫలితాలు సాధించవచ్చని సీఈవో వేణుగోపాల్ రెడ్డి ఆశాభావం వ్యక్తం చేశారు.

Also Read: Amazon Sale: ఈరోజు నుంచి గ్రేట్‌ ఫ్రీడమ్‌ ఫెస్టివల్‌ అమెజాన్ సేల్..