Nominee: డీ మ్యాట్ ఎకౌంట్ ఉందా? అందుకోసం గడువు పెరిగింది.. తెలుసా? 

Demat Nominee: సెక్యూరిటీస్ ఎక్స్ఛేంజ్ బోర్డ్ ఆఫ్ ఇండియా (SEBI) డీమ్యాట్ ఖాతా - మ్యూచువల్ ఫండ్ ఖాతాలకు (Mutual Funds) నామినీని యాడ్ చేయడానికి  చివరి తేదీని 6 నెలలు పొడిగించింది. ఇంతకుముందు ఈ గడువు 31 డిసెంబర్ 2023 వరకు ఉంది. సెబీ జారీ చేసిన సర్క్యులర్ ప్రకారం, ఇప్పుడు డీమ్యాట్ ఎకౌంట్ హోల్డర్స్  జూన్ 30, 2024 వరకు నామినీని(Nominee) యాడ్ చేయవచ్చు.  ఇది కాకుండా, మార్కెట్ రెగ్యులేటర్ ఫిజికల్ సెక్యూరిటీ హోల్డర్‌లను పాన్, నామినేషన్, KYC వివరాలను అప్‌డేట్ చేయమని కోరింది. రిజిస్ట్రార్ - ట్రాన్స్‌ఫర్ ఏజెంట్ (RTA) డేటా ప్రకారం, సెప్టెంబర్ 2023 చివరి నాటికి దాదాపు 25 లక్షల మంది పాన్ హోల్డర్‌లు తమ మ్యూచువల్ ఫండ్ ఫోలియోలలో ఎన్‌రోల్‌మెంట్‌ను అప్‌డేట్ చేయలేదు.

పెట్టుబడిదారులు ప్రయోజనం పొందుతారు.. 

సెబీ ఈ నిర్ణయం ఉద్దేశ్యం పెట్టుబడిదారులకు వారి ఆస్తులను భద్రపరచడంలో అలాగే వారి చట్టపరమైన వారసులకు(Nominee) అప్పగించడంలో సహాయం చేస్తుంది. పెట్టుబడిదారుల సౌలభ్యం కోసం, మార్కెట్ పార్టిసిపెంట్ల నుంచి వచ్చిన సిఫార్సుల ఆధారంగా, డిమ్యాట్ ఎకౌంట్స్ అలాగే మ్యూచువల్ ఫండ్ ఫోలియోల కోసం నామినేషన్లను సమర్పించడానికి గడువును పొడిగించాలని నిర్ణయించినట్లు సెబి ఒక సర్క్యులర్‌లో తెలిపింది.

నాలుగోసారి.. 

సెబీ నామినేషన్  గడువు నాలుగోసారి పొడిగించారు. మార్కెట్ రెగ్యులేటర్ మొదట జూలై 2021లో డీమ్యాట్ ఖాతాలో నామినీని జోడించడానికి చివరి తేదీని మార్చి 31, 2022గా నిర్ణయించింది. దీని తర్వాత, ఫిబ్రవరి 24, 2022న, చివరి తేదీని దాదాపు 1 సంవత్సరం మార్చి 31, 2023 వరకు పొడిగించారు. దీని తర్వాత మళ్లీ 30 సెప్టెంబర్ 2023 వరకు పొడిగించారు. దీని తర్వాత, సెప్టెంబర్ 26, 2023న నామినీలను జోడించడానికి చివరి తేదీ డిసెంబర్ 31, 2023 వరకు పొడిగించారు. 

Also Read: ఓపికతో తీర్చిద్దిన వ్యాపారం టాటా గ్రూప్.. ఇది రతన్ టాటా ప్రయాణం.. 

డీమ్యాట్ ఖాతాల సంఖ్య 10 కోట్లకు పెరిగింది.

2019-20లో డీమ్యాట్ ఖాతాల (Demat Account) సంఖ్య 4.1 కోట్ల నుంచి 2022-23లో 10 కోట్లకు 2.5 రెట్లు పెరిగిందని గ్లోబల్ ఫిన్‌టెక్ ఫెస్ట్ 2023లో సెప్టెంబర్ 5న కేంద్ర ఆర్థిక మంత్రి నిర్మలా సీతారామన్ చెప్పారు. ఇప్పుడు రికార్డు స్థాయిలో మ్యూచువల్ ఫండ్స్,  సిప్‌లు నమోదు అవుతున్నాయని, ఇవి సంపదను సృష్టించడంలో సహాయపడతాయని ఆమె అన్నారు.

నామినీ అంటే..

నామినీ(Nominee) అంటే మీ బ్యాంక్, ఇన్వెస్ట్‌మెంట్ లేదా ఇన్సూరెన్స్ ఖాతాతో సక్సెసర్‌గా అనుబంధించిన వ్యక్తి. ఎకౌంట్ హోల్డర్స్ ఆకస్మికంగా మరణించిన సందర్భంలో ఖాతాలోని మొత్తాన్ని లేదా పెట్టుబడి మొత్తాన్ని క్లెయిమ్ చేయడానికి ఈ వ్యక్తికి అర్హత ఉంటుంది. మరణానంతరం, నామినీ డబ్బును క్లెయిమ్ చేస్తాడు.  కానీ, దానిలో ఎటువంటి వివాదం లేనప్పుడు మాత్రమే నామినీ మొత్తాన్ని అందుకుంటారు. మరణించిన వ్యక్తికి వారసులు ఉంటే, వారు తమ హక్కుల కోసం ఆ మొత్తాన్ని క్లెయిమ్ చేసుకోవచ్చు. అటువంటి పరిస్థితిలో, ఆస్తి మొత్తం లేదా వాటా చట్టపరమైన వారసులందరికీ సమానంగా విభజిస్తారు. 

Watch this interesting Video: