Fire Accident : మెట్రో సమీపంలో భారీ అగ్ని ప్రమాదం.. చెలరేగుతున్న మంటలు!

Metro : నోయిడా(Noida) లోని సెక్టార్-32లోని హార్టికల్చర్ డంపింగ్ గ్రౌండ్‌లో భారీ అగ్నిప్రమాదం(Fire Accident) జరిగింది. సోమవారం సాయంత్రం 6 గంటలకు ఈ అగ్ని ప్రమాదం సంభవించింది. ఆ తర్వాత 15 అగ్నిమాపక దళ వాహనాలు మంటలను అదుపు చేయడం ప్రారంభించాయి. గౌతమ్ బుద్ధ నగర్ చీఫ్ ఫైర్ ఆఫీసర్ ప్రదీప్ చౌబే మాట్లాడుతూ.. ఈ డంపింగ్ గ్రౌండ్‌(Dumping Ground) లో మంటలు చెలరేగినట్లు సాయంత్రం 6 గంటల సమయంలో సమాచారం అందిందని తెలిపారు.

సమాచారం అందుకున్న వెంటనే అధికారులు ప్రమాదం జరిగిన స్థలానికి 6 అగ్నిమాపక యంత్రాలను పంపారు. అయితే మంటలు ఉన్న ప్రాంతం అంతా ఎండిపోయి ఉండడంతో మంటలు తీవ్రంగా ఉన్నాయి. దీంతో మంటలు చాలా తీవ్రంగా ఉండడంతో ఘటనా స్థలానికి మరిన్ని వాహనాలను పంపినట్లు అధికారులు వివరించారు.

మొత్తంగా ఘటనా స్థలంలో 15 వాహనాలు మంటలు ఆర్పుతున్నట్లు అధికారులు వివరించారు. దీనికి తోడు ఈదురు గాలులు వీయడంతో మంటలను అదుపు చేసేందుకు తీవ్రంగా శ్రమించాల్సి వచ్చిందన్నారు. ఘటనాస్థలిని పరిశీలిస్తే మంటలు ఆర్పేందుకు మూడు రోజులు పడుతుందని, మంటలు పూర్తిగా చల్లారేందుకు మరింత సమయం పట్టే అవకాశం ఉందని తెలుస్తోంది.

అగ్నిప్రమాదానికి సంబంధించిన వీడియోను ప్రజలు సోషల్ మీడియా(Social Media) లో షేర్ చేశారు. చెత్తను శుభ్రం చేసేందుకు అక్కడ ఉన్న చెత్త కుప్పకు నిప్పంటించారని, అది మొత్తం డంపింగ్ యార్డుకు వ్యాపించిందని ప్రజలు పేర్కొన్నారు. చెత్తను శుభ్రం చేయడానికి నిప్పు పెట్టే చెత్త సేకరణ ఏజెన్సీలను కూడా వినియోగదారులు విమర్శించారు.

గతేడాది కూడా ఇదే మైదానంలో భారీ అగ్నిప్రమాదం జరగడం గమనార్హం. ఆ సమయంలో అగ్నిమాపక సిబ్బంది మంటలను పూర్తిగా ఆర్పేందుకు వారం రోజుల సమయం పట్టింది. ఆ సమయంలో మంటలు చెలరేగడంతో సమీపంలోని నివాస గృహాల్లో నివసించే ప్రజలు తీవ్ర ఇబ్బందులకు గురయ్యారు.

Also Read : తిప్పతీగ తో మధుమేహనికి చెక్‌ పెట్టేద్దామా!