New Tax Rules : ఉద్యోగస్తులకు అలెర్ట్..రేపటి నుంచి న్యూ టాక్స్ రూల్స్..మీరెంత కట్టాలంటే?

New Income Tax Rules: కొత్త ఆర్థిక సంవత్సరం అంటే 2024-25 ఏప్రిల్ 1 నుంచి ప్రారంభమవుతుంది. వ్యక్తిగత ఫైనాన్స్ కోణం నుండి ఈ రోజు చాలా ముఖ్యమైనది. ఎందుకంటే అనేక పన్ను సంబంధిత మార్పులు ఈ రోజు నుండి అమలులోకి వస్తాయి. బడ్జెట్‌లో (Budget) చేసిన పలు ప్రకటనలు కూడా ఏప్రిల్ 1 నుంచే అమలులోకి రానున్నాయి. ఈసారి కూడా ఏప్రిల్ 1 నుంచి ట్యాక్స్ స్లాబ్ (Tax Slabs), ఇన్సూరెన్స్ పాలసీ, స్టాండర్డ్ డిడక్షన్‌కు సంబంధించిన కొన్ని కొత్త నిబంధనలు అమలులోకి రానున్నాయి. ఈ పన్ను మార్పులు ఏమిటి? మీ జేబుపై ఎలాంటి ప్రభావం చూపుతుందో తెలుసుకుందాం.

కొత్త పన్ను విధానం డిఫాల్ అవుతుంది:
మీరు పాత పన్ను విధానం, కొత్త పన్ను విధానం మధ్య ఎంచుకోకపోతే, మీరు ఏప్రిల్ 1 నుండి ఆటోమెటిగ్గా కొత్త పన్ను విధానంలోకి మారతారు.కొత్త పన్ను విధానంలో రూ.7 లక్షల వరకు సంపాదనపై ఎలాంటి పన్ను చెల్లించాల్సిన అవసరం లేదు. అయితే, మీరు పెట్టుబడి పెట్టడం ద్వారా పన్ను ఆదా చేయాలనుకుంటే, పాత పన్ను విధానం మీకు మంచిది.

కొత్త పన్ను విధానంలోనూ స్టాండర్డ్ డిడక్షన్:
గతంలో పాత పన్ను విధానంలో మాత్రమే రూ.50 వేల స్టాండర్డ్ డిడక్షన్ వర్తించేది. ఇప్పుడు దీనిని కొత్త పన్ను విధానంలో చేర్చారు. స్టాండర్డ్ డిడక్షన్ కింద, రూ. 50 వేలపై పన్ను మినహాయింపు లభిస్తుంది. అంటే స్టాండర్డ్ డిడక్షన్ (Standard Deduction) తర్వాత రూ.7.5 లక్షల వరకు ఆదాయాలపై ఎలాంటి పన్ను చెల్లించాల్సిన అవసరం లేదు.ఆదాయపు పన్ను చట్టంలోని సెక్షన్ 87A కింద రిబేట్‌తో వారిపై ఎలాంటి పన్ను విధించదు. కాబట్టి కొంతమంది ఈ మినహాయింపు నుండి చాలా ప్రయోజనం పొందుతారు. రూ. 5 లక్షల కంటే తక్కువ మొత్తం ఆదాయం ఉన్న వారికి సెక్షన్ 87ఎ కింద రూ.12,500 వరకు మినహాయింపు లభిస్తుంది.

ప్రైవేట్ ఉద్యోగులు పన్ను ప్రయోజనాలను పొందుతారు:
మీరు ప్రైవేట్ సెక్టార్‌లో (Private Sector) పని చేసి తక్కువ సెలవు తీసుకుంటే, సెలవులకు బదులుగా మీరు పొందే డబ్బుపై ఎక్కువ పన్ను మినహాయింపు పొందబోతున్నారు. ఇంతకుముందు, ప్రభుత్వేతర ఉద్యోగి తన మిగిలిన సెలవులకు బదులుగా కంపెనీ నుండి డబ్బు తీసుకుంటే, అప్పుడు కేవలం రూ. 3 లక్షల వరకు మాత్రమే పన్ను మినహాయింపు ఉండేది. కానీ, ఇప్పుడు ఈ పరిమితిని రూ.25 లక్షలకు పెంచారు.

5 కోట్ల కంటే ఎక్కువ ఆదాయం ఉన్న వారికి ఎక్కువ పన్ను ఆదా అవుతుంది:
ఏప్రిల్ 1 నుంచి రూ.5 కోట్ల కంటే ఎక్కువ వార్షికాదాయం ఉన్న వారికి కూడా భారీ ప్రయోజనాలు అందనున్నాయి. 5 కోట్లకు పైబడిన ఆదాయంపై ప్రభుత్వం సర్‌చార్జిని 12 శాతం తగ్గించింది. ఇంతకుముందు ఇది 37 శాతంగా ఉంది. ఇది ఏప్రిల్ 1 నుండి 25 శాతానికి చేరుకుంటుంది. అయితే, ఈ ప్రయోజనం కొత్త పన్ను విధానాన్ని ఎంచుకున్న వారికి మాత్రమే అందుబాటులో ఉంటుంది.

బీమా పాలసీ మెచ్యూరిటీ ఆదాయంపై కూడా పన్ను:
ఇప్పుడు జీవిత బీమా పాలసీ (Life Insurance) నుంచి వచ్చే మెచ్యూరిటీ ఆదాయంపై పన్ను చెల్లించాల్సి ఉంటుంది. ఈ విషయాన్ని ఆర్థిక మంత్రి నిర్మలా సీతారామన్‌ ప్రకటించారు. ఏప్రిల్ 1, 2023న లేదా ఆ తర్వాత జారీ చేసిన పాలసీలు ఏవైనా ఈ నియమం పరిధిలోకి వస్తాయి. అయితే, మొత్తం ప్రీమియం రూ. 5 లక్షల కంటే ఎక్కువ ఉన్న వ్యక్తులు మాత్రమే ఈ పన్ను చెల్లించాల్సి ఉంటుంది.

ఏప్రిల్ 1 నుంచి కొత్త పన్ను విధానం:

3 లక్షల వరకు - 0
3-6 లక్షలు - 5%
6-9 లక్షలు - 10%
9-12 లక్షలు - 15%
12-15 లక్షలు - 20%
15 లక్షలు & ప్లస్ - 30%

కొత్త పన్ను విధానంలో, పన్ను చెల్లింపుదారులు ఇకపై ప్రయాణ టిక్కెట్‌లు, అద్దె రసీదుల ట్రాక్ రికార్డ్‌ను నిర్వహించాల్సిన అవసరం లేదు.

ఇది కూడా  చదవండి: విద్యార్థులకు మోదీ సర్కార్ గుడ్ న్యూస్..భారీగా ఆర్థిక సాయం.. అప్లయ్ చేసుకోండిలా.!