విశేషమేమిటంటే, ఫైల్ చేసిన మొత్తం రిటర్ను(IT Returns)లలో, ధృవీకరించబడిన రిటర్నులలో మూడింట రెండు వంతుల కంటే ఎక్కువ ప్రాసెస్ అయ్యాయి. ఏప్రిల్ 29 వరకు, 5.92 లక్షలకు పైగా రిటర్నులు ఫైల్ చేయగా, వాటిలో 5.38 లక్షలకు పైగా వెరిఫై అయ్యాయి. 3.67 లక్షల వెరిఫైడ్ రిటర్న్‌లు ప్రాసెస్ చేయడం కూడా పూర్తి అయిపొయింది. పన్ను చెల్లింపుదారుల సేవలను అంతరాయం లేకుండా కొనసాగించడానికి, నిబంధనలకు అనుగుణంగా సులభంగా ఉండే దిశగా ఇది ఒక ప్రధాన అడుగు అని డిపార్ట్‌మెంట్ చెబుతోంది.

Also Read: ఎయిర్ ఇండియా విమానాల్లో ప్రయాణిస్తున్నారా? ఈ రూల్ మారింది తెలుసా?

త్వరగా రిటర్న్స్ పొందడానికి సహాయం చేస్తుంది
ఆదాయపు పన్ను రిటర్న్‌(IT Returns)లను ముందుగానే ఫైల్ చేయడం వల్ల పన్ను చెల్లింపుదారులు త్వరగా రీఫండ్ పొందవచ్చని నిపుణులు భావిస్తున్నారు. ఇది కాకుండా, ఎటువంటి పెనాల్టీ లేకుండా రిటర్న్‌ను సవరించడానికి లేదా సరిదిద్దడానికి వారికి ఎక్కువ సమయం లభిస్తుంది. ముఖ్యంగా ఖాతాలను ఆడిట్ చేయాల్సిన అవసరం లేని వ్యక్తులు, సంస్థలు జూలై 31 వరకు తమ రిటర్న్‌(IT Returns)లను ఫైల్ చేయవచ్చు. డిపార్ట్‌మెంట్ ఫైల్ చేసే క్రమం ఆధారంగా రీఫండ్‌లకు ప్రాధాన్యత ఇస్తుంది కాబట్టి, రిటర్న్‌లను ఫైల్ చేయడం వలన ప్రాసెసింగ్‌ను వేగవంతం చేస్తుంది.  వెంటనే రీఫండ్స్ పొందే అవకాశాలను పెంచుతుంది.

తప్పును సరిదిద్దుకోవడానికి తగిన సమయం ఇస్తారు
నిపుణుల అభిప్రాయం ప్రకారం, ముందుగానే రిటర్న్‌(IT Returns)లను ఫైల్ చేయడం వల్ల పన్ను చెల్లింపుదారులకు రిటర్న్‌లను సమీక్షించడానికి, సవరించిన రిటర్న్‌లను ఫైల్ చేయడానికి తగినంత సమయం లభిస్తుంది. అలాగే, ఫారమ్ నింపేటప్పుడు ఏదైనా పొరపాటు జరిగితే, గడువు తేదీకి ముందే సరిదిద్దడానికి తగినంత సమయం ఉంది. ఇది జరిమానాలు లేదా తర్వాత అదనపు విచారణను కూడా నివారించదానికి అవకాశం కల్పిస్తుంది.