మ‌ధ్య‌ప్ర‌దేశ్‌లోని ఇండోర్ సెంట్ర‌ల్ జైల్లో నవరాత్రి ఉత్స‌వాల‌ను వైభవంగా నిర్వహిస్తున్నారు. అయితే ఈ వేడుకలో భాగంగా జైల్లో ఉన్న మహిళా ఖైదీలు దాండియా ఆడుతూ అక్క‌డున్న‌వారంద‌రిని ఆకట్టుకున్నారు. గ‌త ఏడాది కూడా ఇండోర్ సెంట్ర‌ల్ జైల్లో నవరాత్రి ఉత్స‌వాల‌ను నిర్వహించారు. ద‌స‌రా పండుగ సంద‌ర్భంగా నవరాత్రి ఉత్స‌వాల‌ను ఘనంగా నిర్వ‌హిస్తున్న జైలు అధికారులకు మహిళా ఖైదీలు ప్ర‌త్యేక కృత‌జ్ఞ‌త‌లు చెబుతున్నారు.
ఐదు రాష్ట్రాల అసెంబ్లీ ఎన్నికలు దగ్గరికొస్తున్నాయి. ఈ నేపథ్యంలో మిజోరాంలోని అసెంబ్లీ ఎన్నికలకు నామినేషన్లు ముగిశాయి. నామినేషన్ల ఉపసంహరణ గడవు సోమవారంతో ముగియడంతో అధికారులు.. అభ్యర్థుల వివరాలను వెల్లడించారు. ఇక నవంబర్ 7న ఆ రాష్ట్రంలో ఒకే దశలో శాసనసభ ఎన్నికలు జరగనున్నాయి. ఈ ఎన్నికల్లో మొత్తం 174 మంది అభ్యర్థులు బరిలో ఉండగా.. 27 మంది స్వతంత్ర అభ్యర్థులు పోటీలో దిగనున్నట్లు అధికారులు తెలిపారు.
ఈ మధ్య గుండెపోటు మరణాలు పెరగడం కలవరానికి గురి చేస్తున్నాయి. తాజాగా హర్యానాలోని పానిపట్ జిల్లా జైల్లో డిప్యూటీ సూపరింటెండెంట్‌గా పనిచేస్తున్న పోలీస్ ఉన్నతాధికారి గుండెపోటుతో మృతి చెందాడు. సోమవారం ఉదయం అలా జిమ్ చేస్తుండగానే అకస్మాత్తుగా కుప్పకూలిపోయారు. దీంతో ఆ పోలీస్ అధికారిని ఆస్పత్రికి తరలించారు. కానీ అప్పటికే ఆయన గుండెపోటుతో మృతి చెందినట్లు వైద్యులు ధృవీకరించారు. డీఎస్పీ మృతితో హర్యానా పోలీసు శాఖలో విషాదం నెలకొంది.
ఉత్తరప్రదేశ్‌లోని గోండా జిల్లాలో ఆడబిడ్డల ఆరాధన మహోత్సవం 'శక్తివందనం' కార్యక్రమాన్ని నిర్వహించారు. అయితే ఈ కార్యక్రమంలో 11,888 మంది బాలికలకు పూజలు చేసి, కన్యా భోజనం ఏర్పాటు చేశారు. షాహీద్-ఎ-ఆజం సర్దార్ భగత్ సింగ్ ఇంటర్ కళాశాల ప్రాంగణంలో జిల్లా యంత్రాంగం ఈ వేడుకలను నిర్వహించినట్లు జిల్లా మేజిస్ట్రేట్ నేహా శర్మ తెలిపారు.
కాంగ్రెస్ ఎంపీ శశీథరూర్.. టీఎంసీ ఎంపీ మహువా మొయిత్రాతో కలిసి దిగిన ఫోటోలు ఇటీవల వైరల్ అయ్యాయి. అయితే దీనిపై స్పందించిన ఆయన అసహనం వ్యక్తం చేశారు. ఆ ఫోటోలు ఓ పుట్టినరోజు వేడుకలో దిగినవంటూ తెలిపారు. కొందరు కావాలనే దురుద్దేశపూర్వకంగా ఆ ఫోటోలను ఎడిట్ చేశారంటూ పేర్కొన్నారు. ఇవి నీచపు రాజకీయాలంటూ ధ్వజమెత్తారు. పార్టీకి వచ్చిన మిగతావారందరిని తొలగించి.. కేవలం వ్యక్తిగతంగా ఉన్నట్లు ఫోటోలను వక్రీకరించారంటూ క్లారిటీ ఇచ్చారు.
ఎంతటి వారైనా వీధి కుక్కలు దాడి చేస్తే బలి కావాల్సిందే. వాఘ్ బక్రీ టీ గ్రూప్ ఎగ్జిక్యూటివ్ డైరెక్టర్ పరాగ్ దేశాయ్ ను తన ఇంటికి దగ్గరలోని వీధి కుక్కల దాడి చేయగా కిందపడి తలకు గాయమై మరణించారు.
తమిళనాడులో బీజేపీ తరుఫున క్రియాశీలకంగా వ్యవహరిస్తున్న గౌతమికి అసెంబ్లీ ఎన్నికల్లో టికెట్‌ ఇస్తామని హామీ ఇచ్చినప్పటికీ..ఆమెకి పార్టీ అధిష్టానం టికెట్‌ ఇవ్వలేదు. అయినప్పటికీ ఆమె పార్టీకి అనుగుణంగానే పని చేశారు. కానీ ఇటీవల ఆమెకు తమిళనాడు నేతల నుంచి ఆమెకు కొన్ని చేదు అనుభవాలు ఎదురు అయ్యాయి. దీంతో ఆమె పార్టీకి రాజీనామా చేయాల్సి వచ్చిందని ట్విట్టర్‌ ద్వారా ఆమె తెలిపారు.
ఇస్రో చేపట్టనున్న గగన్‌యాన్ ప్రాజెక్టులో మహిళలకు అధిక ప్రాధాన్యం ఇస్తామని ఇస్రో ఛైర్మన్ సోమనాథ్ వ్యాఖ్యానించారు. ప్రస్తుతం ఎయిర్‌ఫోర్స్‌కు చెందిన వారిని ఫైటర్ టెస్ట్ అభ్యర్థులుగా ఎంపిక చేస్తున్నామని.. వాళ్లు వివిధ కేటగిరీల నుంచి ఉన్నారని తెలిపారు. అయితే ఇప్పుడు మహిళా ఫైటర్ టెస్టు ఫైలట్లు అందుబాటులో లేరని.. వారు ముందుకు వచ్చినట్లైతే ఓ మార్గం సుగమం అవుతుందంటూ సోమనాథ్ తెలిపారు. అలాగే ఈ ప్రాజెక్టులో మహిళలను భాగం చేసేందుకు రెండో ఎంపిక శాస్త్రీయ కార్యకలాపాలతో ఉంటుందని.. అయితే ఈ ఎంపికలో శాస్త్రవేత్తలే వ్యోమగాములుగా వ్యవహరించాల్సి ఉంటుందని చెప్పారు.
ఉత్తరప్రదేశ్‌లోని ఓ మహిళా కానిస్టేబుల్ ఆత్మహత్య చేసుకోవడం సంచలనం రేపుతోంది. ఆమె మృతదేహంపై 500లకు పైగా గాయాల గుర్తులు ఉండటం అనేక అనుమానాలకు దారి తీస్తోంది. గురువారం తన గదిలో ఆత్మహత్య చేసుకునేందుకు యత్నించగా.. ఆమె కుటుంబ సభ్యులు అప్రమత్తమై ఆసుపత్రికి తరలించారు. కానీ మార్గమధ్యంలోనే ఆమె మృతి చెందింది. పోస్టు మార్టం నివేదికలో ఆమె ఒంటిపై 500లకు పైగా గాయాలు ఉన్నట్లు వెల్లడైంది. అయితే ఆమెకు మరో కానిస్టేబుల్ యువకునితో ప్రేమ సంబంధం ఉండేదని స్థానికులు తెలిపారు. అతను వేరే అమ్మాయిని పెళ్లి చేసుకోవండంతో.. ఈమె మనస్తాపం చెంది ఆత్మహత్య చేసుకున్నట్లు పోలీసులు భావిస్తున్నారు.
/rtv/media/post_attachments/wp-content/uploads/2023/10/Train-Accident-jpg.webp)
/rtv/media/post_attachments/wp-content/uploads/2023/10/Dandia-jpg.webp)
/rtv/media/post_attachments/wp-content/uploads/2023/10/Vote-1-jpg.webp)
/rtv/media/post_attachments/wp-content/uploads/2023/10/DSP-Jogindar-jpg.webp)
/rtv/media/post_attachments/wp-content/uploads/2023/10/Childrens-jpg.webp)
/rtv/media/post_attachments/wp-content/uploads/2023/10/Shahsi-Tharoor-and-Mahua-moitra-jpg.webp)
/rtv/media/post_attachments/wp-content/uploads/2023/10/wagh-jpg.webp)
/rtv/media/post_attachments/wp-content/uploads/2023/10/bjp-3-jpg.webp)
/rtv/media/post_attachments/wp-content/uploads/2023/10/ISRO-Chairman-Somnath-jpg.webp)
/rtv/media/post_attachments/wp-content/uploads/2023/10/Woman-Constable-jpg.webp)
