/rtv/media/media_files/wHngilZKJaVG7i6SOeWS.jpg)
Follow Us
Ratan Tata: ఈ నెల 9న ముంబైలో మరణించిన పారిశ్రామిక వేత్త రతన్ టాటా గొప్ప మనసు మరోసారి ప్రపంచానికి తెలిసింది. టాటా ఎంతో ఇష్టంగా పెంచుకున్న జర్మన్‌ షెపర్డ్‌ టిటో జీవితకాల సంరక్షణకు సంబంధించి తన వీలునామాలో ప్రస్తావించిన సంగతి తెలిసిందే. భారతదేశంలో ఇలాంటి సందర్భాలు చాలా అరుదు. విదేశాల్లో పెంపుడు జంతువులకు సదుపాయం కల్పించడం సుపరిచితమే.
Also Read: దానా తుపాను.. గర్భిణుల అవస్థలు..ఒకే సారి 1600 మంది ప్రసవం
రూ. 10,000 కోట్లకు పైగా విలువైన సంపదను కలిగి ఉన్న టాటా, తన ఫౌండేషన్‌కు, అతని సోదరుడు జిమ్మీ టాటా, సవతి సోదరీమణులు షిరీన్, డీన్నా జెజీబోయ్, గృహ సిబ్బంది, టాటాకి సన్నిహితంగా ఉన్న వారికి కూడా ఆస్తులను కేటాయించారు.అంతేకాకుండా టాటాకు మూడు దశాబ్దాలకు పైగా సేవలందించిన బట్లర్‌ సుబ్బయ్య కు టాటా తన ఆస్తిలో వాటాలు ఇవ్వడంతో పాటు ...కంపెనీల్లో కూడా షేర్లు ఇచ్చారు.
Also Read: మాజీ మంత్రి బుగ్గనకు బిగ్ షాక్!
టాటా విదేశీ ప్రయాణాలు చేసే సమయంలో ఇంట్లో సేవలందించే వారందరికీ కూడా డిజైనర్‌ దుస్తులు కొనుగోలు చేసి తీసుకుని వచ్చేవారు. ఈ వీలునామాలో గ్రూప్ కంపెనీల్లోని టాటా షేర్ల లెగసీ ప్లాన్ ఉంటుంది. వీటిని టాటా గ్రూప్ సంప్రదాయానికి అనుగుణంగా చారిటబుల్ ట్రస్ట్ అయిన రతన్ టాటా ఎండోమెంట్ ఫౌండేషన్ కి బదిలీ చేస్తారు. టాటా సన్స్ చైర్మన్ ఎన్ చంద్రశేఖరన్ ఆర్‌టీఈఎఫ్‌కు అధిపతిగా ఉంటారని భావిస్తున్నారు.
Also Read: కాటేసిన కాళేశ్వరం.. కేసీఆర్‌కు బిగ్ షాక్!
టాటా సన్స్ షేర్లు దాటి, టాటా మోటార్స్ ఇతర టాటా గ్రూప్ కంపెనీలలో రతన్ టాటా ఆసక్తులు ఆర్టీఈఎఫ్‌ కి బదిలీ చేయడం జరుగుతుంది. 2022లో స్థాపించబడిన ఈ ఫౌండేషన్, లాభాపేక్ష లేని వెంచర్‌లకు మద్దతునిచ్చింది.
టాటా ఇల్లు, కార్ల పంపిణీ...
టాటా సహాయకుడు, శంతను నాయుడు పేరు కూడా వీలునామాలో టాటా పేర్కొన్నారు. సహచర సంస్థ గుడ్‌ఫెలోస్‌లో తన వాటాను నాయుడికి అందజేశారు. అంతేకాకుండా అతని విదేశీ చదువుల కోసం అవసరమైన డబ్బును కూడా సమకూర్చారు. టాటా నివాసం ఉండే కొలాబాలోని హలేకై ఇల్లు, టాటా సన్స్ అనుబంధ సంస్థ అయిన ఎవార్ట్ ఇన్వెస్ట్‌మెంట్స్ యాజమాన్యంలో ఉంది. దాని భవిష్యత్తు ఎవార్ట్ నిర్ణయం పెండింగ్‌లో ఉంది.
టాటా హలేకై నివాసం, అలీబాగ్‌లోని బంగ్లా గురించి వీలునామాలో పేర్కొన్నారు.కానీ, దీని గురించి ఇంకా ఏ నిర్ణయం తీసుకోలేదు. టాటా 20-30 లగ్జరీ కార్ల సేకరణ, అతని కోలాబా నివాసం, తాజ్ వెల్లింగ్టన్ మ్యూస్ అపార్ట్‌మెంట్లలో ఉంచారు. వీటిని పూణేలోని మ్యూజియం కోసం టాటా గ్రూప్ కొనుగోలు చేసే అవకాశాలు కనపడుతున్నాయి.
రతన్ టాటా నాయకత్వ వారసత్వం
డిసెంబర్ 28, 1937న జన్మించిన రతన్ టాటా, అక్టోబరు 9న ముంబైలోని బ్రీచ్ కాండీ హాస్పిటల్‌లో కన్నుమూశారు, నాయకత్వం, నైతిక వ్యాపార పద్ధతులు, దాతృత్వం, శాశ్వత వారసత్వాన్ని మిగిల్చారు. 1991 నుండి 2012 వరకు టాటా గ్రూప్ ఛైర్మన్‌గా, 2016లో తాత్కాలిక ఛైర్మన్‌గా పనిచేసిన ఆయన, 1991లో కంపెనీ $5.7 బిలియన్ల నుండి 2012 నాటికి $100 బిలియన్లకు చేరుకోవడంలో కీలక పాత్ర పోషించారు.
