సీపీఎం సీనియర్ నేత ప్రకాశ్ కారత్‌కు కీలక బాధ్యతలు..

సీపీఎం నేత ప్రకాశ్‌ కారత్‌కు కీలక బాధ్యతలు అప్పగించారు. సీపీఎం నూతన జాతీయ ప్రధాన కార్యదర్శిని ఎన్నుకునేవరకు పొలిట్ బ్యూరోకు సెంట్రల్ కమిటీకి ఆయన మధ్యంతర సమన్వయకర్తగా వ్యవహరించనున్నారు. ఢిల్లీలో జరిగిన సెంట్రల్ కమిటీ సమావేశంలో ఈ నిర్ణయం తీసుకున్నారు. సీతారం ఏచూరి ఆకస్మిక మరణంతో  ప్రస్తుతం సీపీఎం జాతీయ ప్రధాన కార్యదర్శి పదవి ఖాళీగా ఉంది. షెడ్యూల్ ప్రకారం వచ్చే ఏడాది ఏప్రిల్‌లో మధురైలో సీపీఎం 24వ అఖిలభారత మహాసభలు జరగనున్నాయి. ఈ మహాసభల్లో కొత్త సీపీఎం జాతీయ ప్రధాన కార్యదర్శిని ఎన్నుకోనున్నారు.

Also Read: అయిన వారే ఆగం చేస్తున్నారు.. చిన్నారులపై అఘాయిత్యాల కేసుల్లో షాకింగ్ విషయాలు!

CPM Elects Prakash Karat

ఎవరినీ జాతీయ ప్రధాన కార్యదర్శిగా ఎన్నుకోవాలనే దానిపై చర్చలు జరుగుతున్నాయి. పొలిట్ బ్యూరోలో ఉంటూ ప్రజాఉద్యమంలో పాల్గొన్న వారు ఈ పదవికి రేసులో ఉన్నారు. ఆంధ్రప్రదేశ్‌కు చెందిన బీవీ రాఘవులు, కేరళకు చెందిన బేబీ లేదా విజయ రాఘవన్‌, బెంగాల్‌కు చెందిన నీలోత్పల్‌ బసు, మహారాష్ట్రకు చెందిన అశోక్‌ ధావళే సీపీఎం జాతీయ ప్రధాన కార్యదర్శి రేసులో ఉన్నారు.