One Nation-One Election: జమిలి ఎన్నికలతో దేశానికి నష్టమా? లాభమా?

నష్టాలు..

* ప్రపంచ దేశాలతో పోలిస్తే అత్యంత జనాభా కలిగిన దేశాల్లో భారత్ మొదటి రెండు స్థానాల్లో ఉంటుంది. కాగా ఎక్కువ జనాభా కలిగిన భారత్ దేశంలో ఒకేసారి ఎన్నికలు జరపడం అనేది పెద్ద టాస్క్. అలాగే పారదర్శకతపై అనుమానాలు కలిగే అవకాశం ఉంది.

* ప్రభుత్వాలు గడువులోపే పడిపోతే వన్ నేషన్ వన్ ఎలక్షన్ లక్ష్యమే దెబ్బతింటుందని విశ్లేషకులు అభిప్రాయపడుతున్నారు. అవిశ్వాసం ఎదుర్కొనే ప్రభుత్వాల విషయంలోనూ ఇది జరుగొచ్చనే అనుమానులను వ్యక్తం అవుతున్నాయి.

* భారత రాజ్యంగంలో వన్ నేషన్ వన్ ఎలక్షన్ అనే దానిపై ఎలాంటి ప్రస్తావన లేదు. ప్రస్తుతం కేంద్రం తీసుకున్న ఈ నిర్ణయం చట్టవిరుద్ధం అని విశ్లేషకులు అభిప్రాయ పడుతున్నారు. అయితే ఈ చట్టాన్ని చట్టసభల్లో ఆమోదం పొందితే.. ఇది రాజ్యాంగ విరుద్ధం కిందికి రాదు. వచ్చే శీతాకాలం సమావేశంలో ఈ బిల్లును కేంద్రం.. పార్లమెంట్ లో ప్రవేశ పెట్టాలని నిర్ణయం తీసుకుంది.

* ఈ ఎన్నికల వల్ల జాతీయ పార్టీలకు మేలు జరుగొచ్చు. జాతీయ అంశాల ఆధారంగా అసెంబ్లీకి కూడా ప్రజలు ఓటేస్తే, ప్రాంతీయ పార్టీలు ఎన్నికల్లో దెబ్బతినే ప్రమాదం ఉందనే అనుమానాలు వ్యక్తం అవుతున్నాయి.

* ఇదిలా ఉంటే ఈ ఎన్నికల నిర్వహణకు భారీగా సిబ్బంది, ఈవీఎంలు, వీవీప్యాట్లు అవసరం ఉంటుంది. ఒకేసారి అన్ని ఏర్పాటు చేయాలంటే ప్రభుత్వానికి పెద్ద సమస్యగా మారుతుందనే అభిప్రాయాలు వ్యక్తం అవుతున్నాయి.

లాభాలు..

* దేశవ్యాప్తంగా ఒకేసారి అన్ని రాష్ట్రాల్లో అసెంబ్లీ ఎన్నికలతో సహా పార్లమెంట్ ఎన్నికలు నిర్వహించడం వల్ల ఓటింగ్ శాతం పెరిగే అవకాశం ఉంటుంది.

* ఎన్నికలకు అయ్యే ఖర్చు సగానికి పైగా తగ్గించవచ్చు.

* ఎన్నికలకు సిబ్బంది వినియోగం, వ్యయం, నిర్వహణ భారం తగ్గుతుంది.

* ఒకేసారి దేశ వ్యాప్తంగా ఎన్నికల కోడ్ అమల్లోకి రావడం వల్ల అభివృద్ధి కార్యక్రమాలకు అడ్డంకులు లేకుండా ప్రభుత్వాలు దృష్టిసారించవచ్చు.