ఉద్యోగులకు షాక్ ఇచ్చిన యాక్సెంచర్.. కంపెనీలో అసలేం జరుగుతోంది?

Accenture: ప్రముఖ ఐటీ కంపెనీ యాక్సెంచర్ తమ ఉద్యోగులకు భారీ షాక్ ఇచ్చింది. పదోన్నతులు, వేతన పెంపు వాయిదా వేస్తున్నట్లు ప్రకటించింది. దీంతో ఉద్యోగులు తీవ్ర ఆగ్రహం వ్యక్తం చేస్తున్నారు. సాధారణంగా యాక్సెంచర్ కంపెనీ డిసెంబర్‌లో ప్రమోషన్‌లు ఇవ్వాల్సి ఉంటుంది. కానీ ఈ డిసెంబర్లో ప్రమోషన్లు ఇవ్వకుండా.. వచ్చే జూన్లో ఇవ్వనున్నట్లు తెలిపింది. దీంతో  ప్రపంచ వ్యాప్తంగా ఈ కంపెనీ ఉద్యోగుల్లో నిరాశ వ్యక్తం అవుతోంది. ఇలా చేయడం సరికాదన్న అభిప్రాయాన్ని వారు వ్యక్తం చేస్తున్నారు.

ఉద్యోగులకు ప్రమోషన్ ఆలస్యం చేయడానికి ముఖ్య కారణం క్లయింట్లు ఖర్చు, ఆర్ధిక ఇబ్బందులు, కంపెనీ వ్యయం అని తెలుస్తోంది. ఈ అన్ని అంశాలను పరిగణలోకి తీసుకుని ఈ నిర్ణయం తీసుకున్నట్లు కంపెనీ తెలిపింది. అలాగే క్లయింట్ల డిమాండ్స్ కూడా ప్రమోషన్లు ఆలస్యం కావడానికి మరో కారణమని తెలుస్తోంది. ప్రస్తుతం యాక్సెంచర్ కంపెనీ షేర్ వాల్యూ కూడా గణనీయంగా పడిపోయింది. ఈ పరిణామాలు ఉద్యోగులకు ఆందోళన కలిగిస్తోంది. ఈ కంపెనీకి మొత్తం 120 దేశాల్లో 750000 మంది ఉద్యోగులు ఉన్నారు. గత కొన్ని నెలల కింద కొంతమంది ఉద్యోగులను కంపెనీ తొలగించే ప్రయత్నం చేసింది. కానీ వెనక్కు తగ్గింది. కంపెనీ ఖర్చులను తగ్గించుకోవాలని యాక్సెంచర్ చూస్తోందన్న ప్రచారం సాగుతోంది.