రజనీకాంత్ సినిమాలో నాని?

రజనీకాంత్ “జైలర్” ఆగస్ట్ 10న విడుదల కానుంది. మరోవైపు “జై భీం” ఫేమ్ టీజే జ్ఞానవేల్ దర్శకత్వంలో మరో సినిమా షూటింగ్ ప్రారంభించడానికి సూపర్ స్టార్ సన్నాహాలు చేస్తున్నారు.

అయితే ఆశ్చర్యకరంగా ఈ సినిమాలో నాని అతిధి పాత్రలో కనిపించడానికి అంగీకరించాడని కోలీవుడ్ ఇండస్ట్రీలో టాక్ గట్టిగా వినిపిస్తోంది. రీసెంట్‌గా నానిని సంప్రదించిన దర్శకుడు కథ, పాత్ర గురించి చెప్పాడు. గతంలో 2 తమిళ సినిమాల్లో నటించిన నాని, రజనీకాంత్‌తో నటించే అవకాశాన్ని వదులుకోదలుచుకోలేదు. వెంటనే గ్రీన్ సిగ్నల్ ఇచ్చాడు.

ఈ చిత్రంలో నాని 20 నిమిషాలకు పైగా నిడివిగల పాత్రలో నటించనున్నట్లు సమాచారం. బాలీవుడ్ లెజెండరీ యాక్టర్ అమితాబ్ బచ్చన్ కూడా ఈ సినిమాలో ఓ కీలక పాత్ర పోషిస్తున్నారు. జైభీమ్ తరహాలోనే బలమైన సామాజిక సందేశంతో ఈ సినిమా రాబోతోంది. రజనీకాంత్ లాంటి స్టార్ హీరోనే అలాంటి సందేశం ఇవ్వాలనేది జ్ఞానవేల్ కోరిక.

ప్రస్తుతం నాని ‘హాయ్ నాన్న’ సినిమాలో నటిస్తున్నాడు. “హాయ్ నాన్నా” సినిమా పూర్తయిన తర్వాత అతను రజనీకాంత్ సినిమాని ప్రారంభించే అవకాశం ఉంది. ఈ గ్యాప్ లో ఈ ప్రాజెక్టుపై మరిన్ని వివరాలు బయటకు రాబోతున్నాయి.