Mushrooms: శరీరంలో విటమిన్ డి లోపం ఉంటే ఇలా చేయండి.. అద్భుతమైన ప్రయోజనాలు పొందుతారు!

Mushrooms: పుట్టగొడుగులు విటమిన్ డిని పీల్చుకోగలవు. పుట్టగొడుగులలో ఒక ప్రత్యేక రకమైన రసాయనం ఉంటుంది. దీని కారణంగా దానిని సూర్యరశ్మిలో ఉంచినట్లయితే.. విటమిన్ D2 పరిమాణం పెరుగుతుందని నిపుణులు అంటున్నారు. పుట్టగొడుగులు ఆరోగ్యానికి ఎంతో మేలు చేస్తాయి. ఇందులో పోషకాలు పుష్కలంగా లభిస్తాయి. ఇది రుచిగా ఉండటమే కాదు, అనేక పోషక మూలకాలు కూడా ఇందులో ఉన్నాయి. శరీరంలో విటమిన్ డి లోపం ఉన్నవారు ఈ విధంగా పుట్టగొడుగులను తింటే.. వారి శరీరానికి అనేక ప్రయోజనాలు లభిస్తాయి. పుట్టగొడుగులను తినడానికి ముందు 20 నుంచి 30 నిమిషాల పాటు సూర్యకాంతిలో ఉంచితే.. దానిలో విటమిన్ డి పరిమాణం పెరుగుతుందని ఇప్పుడు ఒక పరిశోధన వెల్లడించింది. పుట్టగొడుగులను సూర్యకాంతిలో ఉంచితే ఎలాంటి ప్రయోజనాలు ఉన్నాయో ఇప్పుడు కొన్ని విషయాలు తెలుసుకుందాం.

పుట్టగొడుగులను సూర్యకాంతిలో ఉంచితే వచ్చే ప్రయోజనాలు:

• మష్రూమ్ చేయడానికి అరగంట ముందు.. దానిని పూర్తిగా శుభ్రం చేసి ఆపై 30 నిమిషాల నుంచి 1 గంట వరకు ఎండలో ఉంచాలి. పుట్టగొడుగులలో ఉండే ఎర్గోస్టెరాల్ విటమిన్ డి2గా మారుతుంది.
• పుట్టగొడుగులలో ప్రోటీన్, ఫైబర్, కాపర్, సెలీనియం, పొటాషియం, గ్లూటాతియోన్, విటమిన్లు పుష్కలంగా ఉన్నాయి.
• ప్రతిరోజూ పుట్టగొడుగులను తింటే.. ఇది కండరాల అభివృద్ధికి చాలా సహాయపడుతుంది. ఇందులో ఉండే ఎసెన్షియల్ అమినో యాసిడ్స్ శరీర కండరాలకు ఎంతో మేలు చేస్తాయి.
• శరీరంలో రోగనిరోధక శక్తిని పెంచడంతో పాటు. పుట్టగొడుగులలో ఉండే గుణాలు ఎముకలు, కీళ్ల నొప్పుల నుంచి ఉపశమనం కలిగిస్తాయి. అందుకే దీన్ని వండే ముందు 30 నిమిషాల పాటు ఎండలో ఉంచాలని వైద్యులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: శరీరానికి అంజీర్ దివ్యౌషధం.. వీటిని రోజూ తింటే ఎన్ని ఆరోగ్య ప్రయోజనాలో తెలుసా..?