Mohan Charan Majhi: నేడు ఒడిశా సీఎంగా మోహన్‌చరణ ప్రమాణస్వీకారం

Mohan Charan Majhi: ఈరోజు సాయంత్రం 5 గంటలకు ఒడిశా సీఎంగా మోహన్ చరణ్ మాఝీ ప్రాణాస్వీకారం చేయనున్నారు. డిప్యూటీ సీఎంలుగా ప్రవతి పరదా, సింగ్ దేవ్ ప్రమాణస్వీకారం చేయనున్నారు. ఈ కార్యక్రమానికి ప్రధాని మోదీ హాజరు కానున్నారు. ఏపీ సీఎంగా చంద్రబాబు ప్రమాణస్వీకారం అనంతరం మోదీ ఒడిశాకు వెళ్లనున్నారు. కాగా ఒడిశాలో బీజేపీ తొలి సారి అధికారంలోకి వచ్చింది.

తొలిసారి అధికారం..

ఒడిశా కొత్త ముఖ్యమంత్రిగా మోహన్ చరణ్ మాఝీగా బాధ్యతలు చేపట్టనున్నారు. శాసనసభా పక్ష సమావేశాంలో ఆయనను బీజేఎల్పీ నేతగా ఎమ్మెల్యేలు ఎన్నుకున్నారు. దీంతో ఆయన ఒడిశా తొలి బీజేపీ ముఖ్యమంత్రి కానున్నారు. కేవీ సింగ్ డియో, ప్రభాతి పరిదా ఉప ముఖ్యమంత్రి పదవి చేపట్టనున్నారు. కేంద్రంలో ప్రధాని, మంత్రులు ప్రమాణ స్వీకారం చేయడంతో ఒడిశాలో ప్రభుత్వ ఏర్పాటుపై బీజేపీ ఫోకస్ పెట్టింది. ఇందులో భాగంగా ఈ రోజు ఆ రాష్ట్ర రాజధాని భువనేశ్వర్ లో బీజేఎల్పీ సమావేశం నిర్వహించారు. ఈ సమావేశానికి కేంద్ర మంత్రులు రాజ్‌నాథ్‌ సింగ్‌, భూపిందర్‌ యాదవ్‌ పరిశీలకులుగా హాజరయ్యారు.