Modi UAE Visit: అబుదాబిలో తొలి హిందూ దేవాలయం..ప్రారంభించనున్న మోడీ!

Abu Dhabi's first Hindu Temple : ప్రధాన మంత్రి నరేంద్ర మోడీ (PM Modi) యునైటెడ్ అరబ్ ఎమిరేట్స్ (యూఏఈ)(UAE) లో పర్యటిస్తున్నారు. యూఏఈలోని అబుదాబి(Abu Dhabi) లో ఫిబ్రవరి 14న హిందూ దేవాలయం ప్రారంభం కానుంది. ఈ ఆలయాన్ని ప్రధాని నరేంద్ర మోడీ ప్రారంభించనున్నారు. అంతకుముందు మంగళవారం అబుదాబిలోని జాయెద్ స్పోర్ట్స్ సిటీ స్టేడియంలో భారత ప్రవాసులను(Indians) ఉద్దేశించి ప్రధాని మోడీ ప్రసంగించారు. ఈ కార్యక్రమానికి అహ్లాన్ మోడీ(హలో మోడీ) అని పేరు పెట్టారు. ప్రధానమంత్రి ఇక్కడ ద్వైపాక్షిక చర్చలు కూడా జరిపారు.

అహ్లాన్ మోడీ (Hello Modi) కార్యక్రమం

ప్రధాని మోడీ  మంగళవారం ఉదయం 11.30 గంటలకు అబుదాబికి బయలుదేరి వెళ్లారు. సాయంత్రం 4 గంటలకు అబుదాబిలో జరిగే ద్వైపాక్షిక సమావేశంలో ప్రధాని నరేంద్ర మోడీ పాల్గొన్నారు. ఇంధనం, డిజిటల్ మౌలిక సదుపాయాలు, ఓడరేవుల రంగాలలో సహకారంపై ఒప్పందం కుదుర్చుకునే అవకాశాలు ఉన్నాయి.

ప్రధాని మోడీకి స్వాగతం పలికేందుకు మంగళవారం రాత్రి 8 గంటలకు అహ్లాన్ మోడీ కార్యక్రమాన్ని ఏర్పాటు చేశారు. భారతీయ సమాజాన్ని ఉద్దేశించి ప్రధాని ప్రసంగిస్తారు. జాయెద్ స్పోర్ట్స్ సిటీ స్టేడియం(Jayde Sports City Stadium) లో అహ్లాన్ మోడీ కార్యక్రమానికి ముమ్మరంగా సన్నాహాలు జరుగుతున్నాయి. పలు సాంస్కృతిక కార్యక్రమాలు కూడా నిర్వహించారు.

ప్రతికూల వాతావరణం ఉన్నప్పటికీ, పూర్తి గ్రౌండ్ రిహార్సల్‌కు రెండున్నర వేల మందికి పైగా హాజరయ్యారు. ఫిబ్రవరి 14న అబుదాబిలో తొలి హిందూ దేవాలయాన్ని ప్రధాని మోడీ ప్రారంభించనున్నారు. 27 ఎకరాల్లో నిర్మించిన గొప్ప B.A.P.S ఆలయం ఉంది. ప్రధాని మోడీ పర్యటనకు ముందు స్వామినారాయణ ఆలయ వీడియోను విడుదల చేశారు. 108 అడుగుల ఎత్తైన ఈ ఆలయం హిందూ సంస్కృతిని ప్రతిబింబిస్తుంది.

Also Read : ఇక కాస్కోండి.. నల్గొండ మారుమోగేలా నేడు కేసీఆర్‌ భారీ బహిరంగ సభ..!

BAPS ఆలయాన్ని ప్రారంభిస్తారు

ప్రధాని నరేంద్ర మోడీ ఫిబ్రవరి 14 తేదీల్లో యూఏఈలో పర్యటిస్తారని విదేశాంగ కార్యదర్శి వినయ్ మోహన్ క్వాత్రా తెలిపారు. ఇక్కడ ప్రధానమంత్రి అబుదాబిలో మొదటి హిందూ దేవాలయం 'BAPS ఆలయాన్ని' ప్రారంభిస్తారు. మోడీ యూఏఈ పర్యటనలో BAPS ఆలయ ప్రారంభోత్సవ కార్యక్రమం ప్రధాన భాగమని ఆయన అన్నారు.

ప్రధాని మోడీ పూర్తి కార్యక్రమం-

అబుదాబి తర్వాత ప్రధాని నరేంద్ర మోడీ ఫిబ్రవరి 14న ఖతార్‌లో పర్యటించనున్నారు. దోహాలో ఖతార్ ఎమిర్ షేక్ తమీమ్ బిన్ హమద్ అల్ థానీతో ద్వైపాక్షిక సమావేశం జరగనుంది. నావి మాజీ అధికారులను విడుదల చేసినందుకు ప్రధాని మోడీ ఖతార్‌కు కృతజ్ఞతలు తెలిపారు. విదేశాంగ కార్యదర్శి వినయ్ క్వాత్రా ఈ మేరకు సమాచారం అందించారు.

Also Read : ఒక ముద్దు అనేక వ్యాధుల నుంచి కాపాడుతుందని మీకు తెలుసా!