TECH: ఈ తప్పులు చేస్తే మీ ఫోన్ బ్యాటరీ త్వరగా పాడవడం ఖాయం..! జాగ్రత్త

TECH: ఫోన్ అనేది ప్రస్తుతం అందరికీ నిత్యావసరంగా మారింది. ఇది ఎల్లప్పుడూ టిప్-టాప్ సరిగ్గా నడుస్తుందని నిర్ధారించుకోవడానికి, వివిధ పద్ధతులను అనుసరిస్తాము. కొత్త ఫోన్ వచ్చిన వెంటనే, ప్రతి ఒక్కరూ గీతలు పడకుండా కవర్, డిస్ప్లే పాడవకుండా స్క్రీన్ గార్డును వేయిస్తారు. కానీ ఫోన్ పాతబడటం ప్రారంభించినప్పుడు ప్రతి ఒక్కరూ కొన్ని సాధారణ సమస్యలను ఎదుర్కోవలసి ఉంటుంది.

ఛార్జింగ్ సమస్య

వాటిలో మొబైల్ లో ఛార్జింగ్ సమస్య మొదటిది. ఫోన్ నిదానంగా ఛార్జింగ్ అవ్వడం లేదా బ్యాటరీ త్వరగా అయిపోవడం మొదలవుతుంది. ఇలాంటి సమస్య వస్తోందంటే ఫోన్ పాతబడిపోయిందని, ఫోన్‌లో ఏదో సమస్య వల్ల ఇలా జరుగుతోందని చాలా మందికి అర్థమవుతుంది. కానీ ఎల్లప్పుడూ ఫోన్ పాతబడడమే దీనికి కారణం కాకపోవచ్చు. మీలోని కొన్ని చెడు అలవాట్ల కారణంగా, ఫోన్ బ్యాటరీలో సమస్యలు తలెత్తుతాయి. బ్యాటరీ త్వరగా అయిపోవడం ప్రారంభమవుతుంది. కావున మీరు చేయకూడని తప్పులు ఏంటో ఇప్పుడు తెలుసుకోండి..

కేస్ లేదా కవర్‌ని తీసివేయడం

వేసవిలో, ఫోన్ వేడెక్కడం సమస్యను గమనిస్తుంటాము. ఛార్జింగ్ చేస్తున్నప్పుడు కూడా బ్యాటరీ వేడెక్కడం జరుగుతుంది. అయితే ఫోన్ ఛార్జింగ్‌లో ఉన్నప్పుడు ఫోన్‌ కేస్ అలాగే ఉంచకూడదు. ఆ కేసు కారణంగా బ్యాటరీ నుంచి వచ్చే వేడి బయటకు రాదు. బ్యాటరీ వేడెక్కినప్పుడు, ఛార్జింగ్ కూడా ఆగిపోతుంది. బ్యాటరీ % పెరగడానికి బదులుగా తగ్గడం ప్రారంభమవుతుంది. అందువల్ల, మీరు ఫోన్‌ను ఛార్జింగ్‌లో ఉంచినప్పుడల్లా (ముఖ్యంగా వేసవిలో) దాని కేస్ లేదా కవర్‌ని తీసివేయడం మంచిది.

అప్పుడు ఛార్జ్ చేయడం మంచిది కాదు 

చాలా సార్లు ప్రజలు ఫోన్‌లో బ్యాటరీ చాలా తక్కువైనప్పుడు మాత్రమే ఛార్జింగ్‌లో ఉంచాలని అనుకుంటారు. అటువంటి పరిస్థితిలో, బ్యాటరీని ఎంత శాతం ఛార్జ్ చేయాలో తెలుసుకోవడం ముఖ్యం. మీ ఫోన్ బ్యాటరీ 10-15%కి చేరిన తర్వాత ఛార్జింగ్ పెడితే.. అది బ్యాటరీ పై చెడు ప్రభావం చూపుతుంది. క్రమంగా బ్యాటరీ బలహీనంగా మారుతుందని చెబుతున్నారు. రాత్రిపూట ఫోన్‌ని ఛార్జింగ్‌లో ఉంచడం ఏ ఫోన్‌కి మంచిది కాదు. ఫోన్‌కు ఓవర్‌ఛార్జ్ చేయడం కూడా బ్యాటరీ ఆరోగ్యానికి మంచిది కాదని ఎక్స్ పర్ట్స్ అభిప్రాయం.

Also Read: Chilled Beer: చల్లటి బీర్ ఎందుకు టేస్టీగా ఉంటుంది..? పరిశోధనలో తేలిన నిజాలు..!