Tillu Square: "ఇది యూనివర్సల్ సినిమా".. 'టిల్లు స్క్వేర్‌' పై మెగాస్టార్‌ రియాక్షన్‌ ఏంటో చూడండి

Tillu Square: టాలీవుడ్ యంగ్ హీరో సిద్దు జొన్నలగడ్డ, అనుపమ పరమేశ్వరన్ జంటగా నటించిన లేటెస్ట్ చిత్రం 'టిల్లు స్క్వేర్‌'. డీజే టిల్లుతో సూపర్ హిట్ కొట్టిన సిద్దు జొన్నల టిల్లు స్క్వేర్‌తో మరో సారి సక్సెస్ అందుకున్నాడు. మార్చి 29న విడుదలైన ఈ చిత్రానికి అటు ప్రేక్షకులు, ఇటు సినీ విమర్శకుల నుంచి కూడా మంచి రెస్పాన్స్ వస్తోంది. ముఖ్యంగా యువతను ఎంతో ఆకట్టుకుంటోంది ఈ సినిమా. కేవలం తెలుగు రాష్ట్రాల్లోనే కాదు ఓవర్ సీస్ లో కూడా టిల్లుగాని హవా కొనసాగుతోంది. వన్ లైనర్స్, పంచ్ డైలాగ్స్ తో బాక్స్ ఆఫీస్ వద్ద కలెక్షన్ల మోత మోగిస్తోంది.

Also Read: Chiranjeevi: “చూసుకోరు వెదవలు”.. వైరలవుతున్న మెగాస్టార్ కామెంట్స్..!

‘టిల్లు స్క్వేర్‌’కు మెగాస్టార్ అభినందనలు

అయితే తాజాగా మెగాస్టార్ చిరంజీవి కూడా ఈ సినిమాకు ఫిదా అయిపోయారు. ‘టిల్లు స్క్వేర్‌’ టీమ్ ను స్వయంగా కలిసి అభినందించారు. ఈ సందర్భంగా మెగాస్టార్ మాట్లాడుతూ.. "సిద్దు అంటే మా కుటుంబంలో అందరికీ ఫెవరెట్. ‘డీజే టిల్లు’ నాకెంతో ఇష్టమైన చిత్రం. ఇప్పుడు దానికి సీక్వెల్ గా వచ్చిన టిల్లు స్క్వేర్‌ ను చాలా ఎంజాయ్ చేస్తూ చూసాను. అందరూ ఇది యూత్ సినిమా అంటున్నారు. కానీ ఇది యూనివర్సల్ సినిమా. తప్పక చూడాల్సిన మూవీ. ఆడియన్స్ ను కడుపుబ్బా నవ్వించింది. సిద్దు కథ రాయడంతో పాటు అద్భుతంగా నటించాడు అంటూ సినిమా పై ప్రశంసలు కురిపించారు." ఇందుకు సంబంధించిన వీడియోను సిద్దు తన సోషల్ మీడియా వేదికగా షేర్ చేశారు.

Also Read: Tantra Ott Release: ఓటీటీలోకి వచ్చేస్తున్న ‘తంత్ర’.. ఆ రోజు నుంచే స్ట్రీమింగ్..?