మాథ్స్ స్టూడెంట్స్ కూడా డాక్టర్ కావొచ్చు.. ఈ ఏడాది నుంచే ఆ అదిరిపోయే ఛాన్స్!

చాలా మంది ఇంటర్ లో మాథ్స్ చదవి.. తర్వాత డాక్టర్ అవ్వాలని కోరిక కలిగినా అవకాశం లేకపోవడంతో నిరుత్సాహ పడుతుంటారు. అలాంటి వారికి ఇది శుభవార్త అనే చెప్పాలి. ఇలాంటి వారికి ఇంటర్ లో మిస్ అయిన బయోలజీ తదితర అంశాలపై ప్రత్యేక తరగతులు ఉండే అవకాశం ఉంది.అంతేకాదు సిలబస్ లో మార్పులు కూడా చేసే అవకాశం ఉన్నట్లు తెలుస్తోంది. ఇంటర్మిడియేట్ లో ఎంపీసీలో చేరి తర్వాత...మెడిసిన్ చదువుదాం అనుకునే చాలా మంది విద్యార్థులకు ఎన్ఎంసీ గుడ్ న్యూస్ చెప్పనుంది. ఎంపీసీ చదివినా నీట్ యూజీ పరీక్ష రాసేందుకు పర్మిషన్ ఇచ్చింది. గతంలో ఇంటర్ ఫిజిక్స్, కెమిస్ట్రీ, బయాలజీ చదివిన వారికి మాత్రమే నీట్ రాసే ఛాన్స్ ఉండేది. తర్వాత బయో టెక్నాలజీ చదవిని వారికి కూడా ఛాన్స్ ఇచ్చారు. తాజాగా మ్యాథ్స్ చదివిన వారికి కూడా నీట్ రాసేందుకు అనుమతి ఇచ్చింది.

అయితే వారు ఇంటర్లో మ్యాథ్స్, ఫిజిక్స్, కెమిస్ట్రీ చదివి ఉండాలని, అదనంగా ఏదైనా గుర్తింపు పొందిన బోర్డు నుంచి బయాలజీ లేదా బయోటెక్నాలజీని అదనపు సబ్జెక్టుగా తీసుకుని ఉత్తీర్ణులు కావాలని నిబంధనలు విధించింది. వారి MBBS, BDS కోర్సులు చేసేందుకు అర్హులని పేర్కొంది. వచ్చే ఏడాది విడుదల చేయనున్న నీట్ యూజీ నోటిఫికేషన్ నుంచే వీరికి ఛాన్స్ కల్పించనున్నట్లు సమాచారం.

అటు గ్రూప్ 2 పరీక్షలపై టీఎస్పీఎస్సీ కీలక ఆదేశాలు జారీ చేసింది. గ్రూప్ 2 నిర్వహించేందుకు అవసరమైన ఏర్పాట్లన్నీ చేయాలని కలెక్టర్లను ఆదేశించింది. ఈ మేరకు టీఎస్పీఎస్సీ సెక్రటరీ అనిత రామచంద్రన్ అన్ని జిల్లాల కలెక్టర్లకు సోమవారం లేఖ రాశారు. వచ్చే ఏడాది జనవరి 6,7 తేదీల్లో ఈ పరీక్షలు నిర్వహించేందుకు అవసరమైన ఏర్పాట్లన్నీ చేయాలని ఈ లేఖలో పేర్కొన్నారు. పలు కారణాలతో రాష్ట్రంలో గత సర్కార్ హయాంలో టీఎస్పీఎస్సీ పరీక్షలు పలుమార్లు వాయిదా పడిన సంగతి తెలిసిందే. దీంతో టీఎస్పీఎస్సీని ప్రకాక్షళన చేయాలన్ని డిమాండ్ కూడా తెరపైకి వచ్చింది.