Pushpa 2: పుష్ప-2 సినిమా వాయిదాపై మేకర్స్‌ పోస్ట్ వైరల్‌.. బన్నీ ఫ్యాన్స్‌కు దిమ్మదిరిగే అప్డేట్!

Pushpa 2: 2024 లో ఫ్యాన్స్ ఆసక్తిగా ఎదురుచూస్తున్న చిత్రాల్లో ఒకటి పుష్ప 2. ఇప్పటికే సినిమా నుంచి విడుదలైన అల్లు అర్జున్ పోస్టర్ సినిమా పై మరింత అంచనాలను పెంచేసింది. పుష్ప పార్ట్ 1 సీక్వెల్ గా రాబోతున్న ఈ చిత్రాన్ని స్టార్ డైరెక్టర్ సుకుమార్ తెరకెక్కిస్తున్నారు. పుష్ప 2 చిత్రం ఈ ఏడాది రిలీజ్ కానున్న నేపథ్యంలో.. షూటింగ్ శరవేగంగా జరుపుకుంటోంది. అయితే ఇటీవలే అల్లు అర్జున్ స్నేహితుడిగా కేశవ పాత్రలో నటించిన జగదీశ్ అరెస్ట్ కావడంతో సినిమా రిలీజ్ పై సోషల్ మీడియాలో చర్చ మొదలైన సంగతి తెలిసిందే. పుష్ప 2 లో కూడా జగదీశ్ పాత్ర ఉండడంతో సినిమా వాయిదా పడుతుంది అంటూ నెట్టింట్లో వార్తలు తెగ వైరలయ్యాయి.

Also Read: JR NTR: కొద్దిలో మిస్ అయ్యా.. జపాన్ భూకంపం పై జూనియర్ ఎన్టీఆర్ ట్వీట్

పుష్ప 2 రిలీజ్ పై క్లారిటీ

ఇక తాజాగా మేకర్స్ సినిమా రిలీజ్ డేట్ కు సంబంధించి ఒక ఆసక్తికర పోస్ట్ చేశారు. డైరెక్టర్ సుకుమార్ పుట్టినరోజు సందర్భంగా ఆయనకు బర్త్ డే విషెస్ తెలియజేస్తూ.. పుష్ప 2 చిత్రాన్ని ఆగస్టు 15 న రిలీజ్ చేయనున్నట్లు సోషల్ మీడియా వేదికగా క్లారిటీ ఇచ్చారు. దీంతో అల్లు అర్జున్ అభిమానులు ఫుల్ ఖుషి అవుతున్నారు. ఈ పోస్ట్ తో సినిమా పోస్ట్ పొన్ అంటూ వైరలవుతున్న వార్తలకు చెక్ పెట్టారు మేకర్స్.

2021 లో విడుదలైన పుష్ప పార్ట్ 1 బ్లాక్ బస్టర్ కావడంతో పుష్ప 2 పై భారీ అంచనాలు పెరిగిపోయాయి. ఇటీవలే మేకర్స్ న్యూ ఇయర్ సందర్భంగా #2024RulePushpaKa అంటూ పోస్టర్ రిలీజ్ చేసి మరింత హైప్ క్రియేట్ చేశారు. ఈ ఏడాది బాక్స్ ఆఫీస్ రికార్డులు క్రియేట్ చేయడానికి పుష్ప రాజ్ వచ్చేస్తున్నాడు అన్నట్లుగా కొత్త హ్యాష్ ట్యాగ్ లాంచ్ చేశారు.

Also Read: Pushpa 2: ‘ఈ సారి రూల్ పుష్పదే’.. ఇంట్రెస్టింగ్ పోస్టర్ రిలీజ్ చేసిన మేకర్స్