Gautam Ghattamaneni : మహేష్ కొడుకు ఫస్ట్ స్టేజ్ పెర్ఫార్మెన్స్.. గౌతమ్ యాక్టింగ్ పై నమ్రత పోస్ట్.. గర్వంగా ఉందంటూ!

Mahesh Babu's Son Gautam First Stage Performance : టాలీవుడ్ సూపర్ స్టార్ మహేష్ తనయుడు గౌతమ్ ప్రస్తుతం విదేశాల్లో చదువుకుంటున్న విషయం తెలిసిందే. అయితే మహేష్ ఫ్యాన్స్ వారసుడి సినీ ఎంట్రీ కోసం ఎంతో ఆసక్తిగా ఎదురుచూస్తున్నారు. ఇప్పటికే తన తండ్రి యాక్ట్ చేసిన 'వన్.. నేనొక్కడినే' సినిమాలో చైల్డ్ ఆర్టిస్ట్ గా ఆకట్టుకున్నాడు. ఇక హీరోగా ఎంట్రీ ఇవ్వడమే మిగిలింది. తాజాగా లండన్ లో గౌతమ్ తన ఫస్ట్ స్టేజ్ పెర్ఫార్మెన్స్ ఇచ్చాడు. అతడి ఫెర్పార్మెన్స్ కి అందరూ ఫిదా అయ్యారట. ఈ విషయాన్ని అతని తల్లి నమ్రత సోషల్ మీడియాలో అభిమానులతో పంచుకుంది.

అద్భుతంగా ఉంది...

గౌతమ్‌ లండన్‌లో ఇచ్చిన తొలి ప్రదర్శన గురించి నమ్రత అభిమానులకు తెలియజేస్తూ ఆనందం వ్యక్తం చేసింది. ఈ మేరకు సోషల్‌ మీడియాలో పోస్ట్‌ పెట్టింది." గౌతమ్‌ ఫస్ట్‌ థియేటర్‌ స్టేజ్‌ పెర్ఫామెన్స్‌ అద్భుతంగా ఉంది. చూసిన వారంతా ఎంజాయ్‌ చేశారు. చిన్నారుల్లోని ప్రతిభను వెలికితీసేందుకు ‘జాయ్‌ ఆఫ్‌ డ్రామా’ నిర్వహించే సమ్మర్‌ ప్రోగ్రామ్‌ ఎంతగానో ఉపయోగపడుతుంది. స్నేహితులు, కుటుంబంతో కలిసి ఇక్కడకు రావడం సంతోషంగా ఉంది’" అని రాసుకొచ్చింది.

Also Read : ‘ఇండియన్ 2’ కు ‘A’ సర్టిఫికెట్.. రన్ టైం అన్ని గంటలా?

ఇందుకు సంబంధించి ఫోటోలు నెట్టింట వైరల్ అవుతున్నాయి. ఇక ఈ విషయం తెలిసి ఘట్టమనేని ఫ్యాన్స్ ఫుల్ ఖుషీ అవుతూ గౌతమ్ మూవీ ఎంట్రీ కోసం ఎంతో ఈగర్ గా వెయిట్ చేస్తున్నట్లు కామెంట్స్ చేస్తున్నారు. కాగా గౌతమ్ ఫస్ట్ స్టేజ్ పెర్ఫార్మెన్స్ ను చూసేందుకు మహేశ్‌ బాబు, సితార, నమ్రతా సోదరి శిల్పా శిరోద్కర్‌ తదితరులు హాజరయ్యారు.