Loan on Properties: ప్రాపర్టీ లోన్ పై ఏ  బ్యాంకులో ఎంత వడ్డీ ఉంటుందో తెలుసా?

Loan on Properties: ఇంటి మీదే కాకుండా.. ఆస్తులపై కూడా అంటే ప్రాపర్టీస్ పై కూడా లోన్స్ మన బ్యాంకులు ఇస్తాయి. కమర్షియల్ ప్రాపర్టీస్ పై కూడా లోన్స్ దొరుకుతాయి. ఈ లోన్స్ పై సాధారణంగా 9.5 శాతం వార్షిక వడ్డీ రేటు ఉంటుంది. మంచి క్రెడిట్ స్కోర్ ఉంటే ప్రాపర్టీ లోన్స్ పై తక్కువ వడ్డీకి దొరికే ఛాన్స్ ఉంటుంది. అంతేకాకుండా, ప్రాపర్టీ పై లోన్ వడ్డీని నిర్ణయించడంలో ఆ ప్రాపర్టీ స్థితి కూడా ముఖ్యమైన పాత్ర పోషిస్తుంది. 

Bankbazaar.com డేటా ప్రకారం, ఇక్కడ పేర్కొన్న బ్యాంకులు 11.40 శాతం కంటే తక్కువ వడ్డీ రేటుతో 7 సంవత్సరాల కాలానికి రూ. 15 లక్షల విలువ ఉన్న ప్రాపర్టీ పై లోన్స్(Loan on Properties) ఇస్తున్నాయి.

HDFC బ్యాంక్
ప్రాపర్టీ లోన్  కోసం HDFC బ్యాంక్ వడ్డీ రేట్లు 9.50 శాతం నుండి ప్రారంభమవుతాయి. 7 సంవత్సరాల కాలవ్యవధికి ఆస్తిపై రూ.15 లక్షల రుణానికి EMI సుమారు రూ.24,323గా ఉంటుంది. 

స్టేట్ బ్యాంక్ ఆఫ్ ఇండియా (SBI)
స్టేట్ బ్యాంక్ ఆఫ్ ఇండియా .. ఇండియన్ బ్యాంక్ వడ్డీ రేట్లు 10.10 శాతం నుండి ప్రారంభమవుతాయి. 7 సంవత్సరాల కాలవ్యవధికి ఆస్తిపై రూ. 15 లక్షల రుణం కోసం EMI దాదాపు రూ. 24,771 చెల్లించాల్సి ఉంటుంది. 

యాక్సిస్ బ్యాంక్
యాక్సిస్ బ్యాంక్ (Axis Bank) 10.50 శాతం ప్రారంభ వడ్డీ రేటుతో ప్రాపర్టీపై లోన్ ఇస్తుంది. 7 సంవత్సరాల కాలవ్యవధితో రూ.15 లక్షల రుణానికి ఈఎంఐ రూ.25,072 అవుతుంది.

Also Read: మీరు ఐఫోన్‌లో వాట్సాప్ ఉపయోగిస్తున్నారా? అయితే ఈ వార్త మీకోసమే

యూనియన్ బ్యాంక్ ఆఫ్ ఇండియా
యూనియన్ బ్యాంక్ ఆఫ్ ఇండియా ప్రారంభ వడ్డీ రేటు 10.55 శాతం. 7 సంవత్సరాల కాలవ్యవధికి రూ. 15 లక్షల ప్రాపర్టీ లోన్‌పై EMI రూ. 25,109 అవుతుంది.

బ్యాంక్ ఆఫ్ బరోడా
బ్యాంక్ ఆఫ్ బరోడా (BOB) ఆస్తిపై రుణం కోసం రేట్లు 10.85 శాతం నుండి ప్రారంభమవుతాయి. 7 సంవత్సరాల కాలవ్యవధితో రూ.15 లక్షల రుణంపై ఈఎంఐ రూ.25,336 అవుతుంది.

కెనరా బ్యాంక్
కెనరా బ్యాంక్ 11.05 శాతం ప్రారంభ రేటుతో వడ్డీని అందిస్తోంది. 7 సంవత్సరాల కాలవ్యవధికి రూ. 15 లక్షల రుణానికి EMI రూ. 25,488 చెల్లించాల్సి వస్తుంది. 

ICICI బ్యాంక్ .. బ్యాంక్ ఆఫ్ ఇండియా
ICICI బ్యాంక్ .. బ్యాంక్ ఆఫ్ ఇండియా వడ్డీ రేట్లు 11.35 శాతం నుండి ప్రారంభమవుతాయి. 7 సంవత్సరాల కాలవ్యవధికి రూ. 15 లక్షల రుణానికి EMI రూ. 25,717గా ఉంటుంది.

పంజాబ్ నేషనల్ బ్యాంక్
పంజాబ్ నేషనల్ బ్యాంక్ (PNB) 11.40 శాతం ప్రారంభ రేట్ల వద్ద రుణాలను అందిస్తుంది. 7 సంవత్సరాల కాలవ్యవధితో రూ.15 లక్షల రుణంపై ఈఎంఐ రూ.25,756 అవుతుంది.