Foot Cracks Tips: శీతాకాల ఎఫెక్ట్.. పాదాల పగుళ్లను జస్ట్ ఈ టిప్స్‌తో కంట్రోల్ చేయొచ్చు..!

శీతాకాలం వచ్చేసింది. ప్రజలు పగటిపూట కూడా గజగజ వణికిపోతున్నారు. ఈ కాలం తాజాదనాన్ని, చల్లదనాన్ని తెస్తుంది. ఇది మన చర్మంతో పాటు ముఖ్యంగా మన పాదాల చర్మానికి ఎక్కువగా ఇబ్బంది పెడుతుంది. శీతాకాలంలో తేమ లేకపోవడం, చల్లని గాలులు మన పాదాల చర్మం పొడిగా, పగుళ్లు, నిర్జీవంగా మారడానికి కారణమవుతాయి. 

పాదల పగుళ్ల నుంచి ఉపశమనం పొందేందుకు ప్రజలు అనేక రకాల క్రీములు, లోషన్లు ప్రయత్నిస్తారు. కానీ ఎలాంటి ఫలితం ఉండదు. అందువల్ల చలి కాలంలో పాదాలు పగుళ్లు కనిపించే వ్యక్తులలో మీరు ఒకరైతే ఇది మీ కోసమే. మీ పాదాలను తేమగా ఉంచడమే కాకుండా వాటిని మృదువుగా, అందంగా మార్చే టిప్స్ గురించి ఇప్పుడు తెలుసుకుందాం. 

శీతాకాల చిట్కాలు

మీ పాదాలను అందంగా, మృదువుగా చేసుకోవడానికి.. మీరు శీతాకాలంలో ఒక మాస్క్‌ను ఉపయోగించాల్సి ఉంటుంది. ఆ మాస్క్‌ను ఇంట్లోనే సులభంగా తయారు చేసుకోవచ్చు. దీనికి కొన్ని పదార్థాలు మాత్రమే అవసరం అవుతాయి. అవి బియ్యం పిండి, నిమ్మరసం, బాడీ వాష్, కొబ్బరి నూనె. కాబట్టి ఈ మాస్క్‌ను ఎలా తయారు చేయాలో తెలుసుకుందాం.

మాస్క్ తయారీ

మీ పాదాలను మృదువుగా చేయడానికి మీరు మాస్క్‌ను ఉపయోగించాలి. దీన్ని సిద్ధం చేయడానికి.. 

ముందుగా ఒక గిన్నె అవసరం. 
గిన్నెలో ఒక చెంచా బియ్యం పిండి ఉంచండి. 
సగం నిమ్మకాయ రసం, ఒక చెంచా బాడీ వాష్, రెండు చెంచాల కొబ్బరి నూనె అందులో వేయాలి.
ఈ పదార్థాలను బాగా కలిపి పేస్ట్ లా తయారు చేయండి. 
ఈ సులభమైన పద్ధతి మీ పేస్ట్‌ను సిద్ధం చేస్తుంది.

మాస్క్ ని ఇలా అప్లై చేసుకోండి

మీ పాదాలకు మాస్క్ వేసుకోవడానికి.. ముందుగా మీ పాదాలను బాగా శుభ్రం చేసుకోండి. 
తరువాత మాస్క్ ను మీ పాదాలకు అప్లై చేయండి. 
15-20 నిమిషాలు ఆరనివ్వండి. 
మాస్క్ ఆరిన తర్వాత మీ పాదాలను కడగాలి. 
చివరగా ఏదైనా మాయిశ్చరైజర్ రాయండి.
మీరు ఈ నివారణను అవలంబిస్తే మీ పాదాలను అందంగా, మృదువుగా మార్చడంలో ఇది చాలా సహాయపడుతుంది.