Follow Us
Silk Saree: పట్టు చీరలకు, అమ్మాయిలకు విడదీయరాని బంధం ఉంది. చీర ఎంత బాగున్నా పట్టు చీరకు సాటి ఏదీ లేదు. అందుకే అమ్మాయిలకు కనీసం ఒక్క ఖరీదైన పట్టు చీరనైనా కొనాలనే కోరిక ఉంటుంది. కాబట్టి పండుగలు సమీపిస్తున్న కొద్దీ వారు కొంచెం డబ్బు ఆదా చేసి పట్టు చీరలను కొంటారు. ఇలాంటి చీరలను కూడా అంతే జాగ్రత్తగా చూసుకోవాలి. పట్టు చీరలను ఉతకడానికి ఈ చిట్కాలను పాటిస్తే అవి కొత్త వాటిలాగే ఉంటాయి.
బట్టల కోసం ప్రత్యేకంగా..
పట్టు చీరను ఉతికేటప్పుడు వేడి నీటికి బదులుగా చల్లటి నీటిని వాడండి. వేడి నీటిని వాడటం వల్ల పట్టు ఫైబర్ నాణ్యత తగ్గిపోతుంది. దాని మెరుపు మందగిస్తుంది. చల్లటి నీరు బట్టలపై సున్నితంగా ఉంటుంది. మెరుపును నిలుపుకోవడంలో సహాయపడుతుంది. సున్నితమైన బట్టల కోసం ప్రత్యేకంగా రూపొందించిన రసాయనాలు లేని డిటర్జెంట్‌ను ఉపయోగించండి. కఠినమైన డిటర్జెంట్లు పట్టు నారలను దెబ్బతీస్తాయి. చీర రంగు మసకబారడానికి కారణమవుతాయి. కొంతమంది తమ చీరలపై మరకలు ఉంటే బ్లీచ్ ఉపయోగిస్తారు. కానీ పట్టు చీరలను బ్లీచింగ్ చేయడం వల్ల చీరల రంగు తగ్గిపోతుంది. ఫాబ్రిక్ నాణ్యత దెబ్బతింటుంది.
ఇది కూడా చదవండి: ఐదు సమస్యలను తొలగించే పటిక, పసుపు మిశ్రమం
ఎంత కడిగినా మురికి పోకపోతే దానిని ప్రొఫెషనల్ క్లీనర్ వద్దకు తీసుకెళ్లడం మంచిది. కొందరు బట్టలు ఉతికేటప్పుడు ఎక్కువగా రుద్దుతారు. కానీ పట్టు చీరలు ఉతకేటప్పుడు అలా చేయకూడదు. బ్రష్ ఉపయోగించకుండా సున్నితంగా కడగాలి. చీర ఉతికిన తర్వాత చీరలో సబ్బు బుడగలు ఉన్నాయా అని తనిఖీ చేయండి. ఎట్టి పరిస్థితుల్లోనూ చీరను ఎత్తి ఉతకకండి. అలా చేయడం వల్ల చీరలో ముడతలు పడి దాని అందం చెడిపోతుంది. ఇంట్లో పట్టు చీరను ఉతికిన తర్వాత దానిని నీడలో ఆరబెట్టండి. చీరను ప్రత్యక్ష సూర్యకాంతి నుండి దూరంగా ఉంచడం మంచిది. చీరను నేరుగా సూర్యకాంతిలో ఆరబెడితే దాని రంగు మసకబారుతుంది. కాబట్టి కావాలనుకుంటే దానిని నీడలో ఆరబెట్టి ఇస్త్రీ చేయవచ్చు.
గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.
ఇది కూడా చదవండి: రాత్రి రీల్స్ చూసే అలవాటు ఉంటే ఈ వ్యాధి ఉన్నట్టే
