Vitamin E deficiency: చేతులు, కాళ్లు తిమ్మిరిగా మారితే ఈ విటమిన్ లోపం ఉన్నట్టే

Vitamin E deficiency: శరీరం సరిగ్గా పనిచేయడానికి అన్ని విటమిన్లు, ఖనిజాలు అవసరం. ఏదైనా విటమిన్ లోపం ఉంటే అది ఆరోగ్యంపై చెడు ప్రభావం చూపుతుంది. అలాంటి ఒక ముఖ్యమైన విటమిన్ ఈ-విటమిన్. ఇది కొవ్వులో కరుగుతుంది. విటమిన్ E ఆరోగ్యానికి అవసరమైన యాంటీ ఆక్సిడెంట్. ఇది కణాలను దెబ్బతీసే ఫ్రీ రాడికల్స్ నుంచి రక్షించడానికి, రోగనిరోధక వ్యవస్థను బలోపేతం చేయడానికి అవసరం. గుండెలో గడ్డకట్టడాన్ని నివారించడానికి విటమిన్ ఈ చాలా అవసరం. విటమిన్ E లోపం ఎలాంటి  జాగ్రత్తలు తీసుకోవాలి ఈ ఆర్టికల్‌లో కొన్ని విషయాలు తెలుసుకుందాం.

అనారోగ్యానికి గురికావడం..

శరీరంలో విటమిన్ E లోపం ఉంటే అది చేతులు, కాళ్లు తిమ్మిరికి కారణమవుతుంది. చేతులు, కాళ్లలో తిమ్మిరి, కండరాల బలహీనత, నడవడంలో ఇబ్బంది, కంటి సమస్యలు, బలహీనమైన రోగనిరోధక శక్తి, తరచుగా అనారోగ్యానికి గురికావడం, నీరసం, అలసట విటమిన్‌ ఈ లోపం లక్షణాలుగా వైద్యులు చెబుతున్నారు. హార్వర్డ్ హెల్త్ నివేదిక ప్రకారం 14 సంవత్సరాలు, అంతకంటే ఎక్కువ వయస్సు ఉన్నవారు రోజుకు 15 మి.గ్రా. విటమిన్ ఈ తీసుకోవాలి. పాలిచ్చే స్త్రీలకు రోజుకు 19 మి.గ్రా. విటమిన్ ఈ అవసరం. ఈ లోపాన్ని అధిగమించడానికి ప్రతిరోజూ బాదం తినాలి.

ఇది కూడా చదవండి: పరగడుపున పెరుగు, పాలు తీసుకుంటే?

ఆహారంలో ఆవాలను చేర్చుకోవాలి. గోధుమ గింజలు, పొద్దుతిరుగుడు, సోయాబీన్ నూనెలను ఉపయోగించాలి. వేరుశెనగ, వెన్న,  వేరుశెనగలు తినాలి. బీట్‌రూట్‌లు, పాలకూర, గుమ్మడికాయ, ఎర్ర బెల్ పెప్పర్స్, ఆస్పరాగస్ వంటి కూరగాయలు, మామిడి, అవకాడో వంటి పండ్లను ఆహారంలో చేర్చుకోవాలని వైద్యులు చెబుతున్నారు. సరైన ఆహారం తీసుకోని వ్యక్తుల శరీరంలో విటమిన్ E లోపం ఉండవచ్చు. చాలా సార్లు, శరీరంలో విటమిన్ E లోపం వల్ల కలిగే సమస్యలు జన్యుపరమైన కారణాల వల్ల కూడా సంభవిస్తాయి. కుటుంబంలో ఎవరికైనా విటమిన్ E లోపం లేదా దానికి సంబంధించిన ఏదైనా వ్యాధి ఉంటే ప్రమాదంలో పడవచ్చు. దీర్ఘకాలిక ప్యాంక్రియాటైటిస్, సెలియాక్ వ్యాధి, కొలెస్టాటిక్ కాలేయ వ్యాధి, సిస్టిక్ ఫైబ్రోసిస్ కూడా దీనికి కారణం కావచ్చని వైద్యులు అంటున్నారు. 

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం. 

ఇది కూడా చదవండి: పాలు, మఖానా రోజూ తింటే ఈ సమస్యలు ఉండవు