Weight Lose: చవకగా బరువు తగ్గించుకోండి...వేగంగా కొవ్వు కరుగుతుంది

Weight Lose: మొక్కజొన్న ఎల్లప్పుడూ భారతీయ ఆహారంలో భాగం. నేటికీ మన ఆహారంలో మొక్కజొన్న  ఉంటుంది. పాప్‌కార్న్‌ అయినా, కార్న్‌ ఫ్లేక్స్‌ అయినా, రోస్ట్‌డ్‌ కార్న్‌ అయినా.. ప్రజలు మొక్కజొన్నను ఇష్టంగా తింటారు. మొక్కజొన్నలో ఫైబర్, వివిధ విటమిన్లు, ఖనిజాలు, యాంటీఆక్సిడెంట్లు పుష్కలంగా ఉన్నాయి. ఇందులో మాంగనీస్, ఫాస్పరస్, మెగ్నీషియం, జింక్, కాపర్ కూడా ఉన్నాయి. ఇవి శరీరానికి చాలా మేలు చేస్తాయని నిపుణులు చెబుతున్నారు.  మొక్కజొన్న ఫైబర్ అద్భుతమైన మూలం. దానిని తినడం వల్ల రక్తంలో చక్కెర స్థాయిలు ఆకస్మికంగా పెరగవు. మొక్కజొన్నను కాల్చవచ్చు లేదా ఉడకబెట్టవచ్చు. వాటి ప్రయోజనాలు ఎంటో కొన్ని విషయాలు ఈ ఆర్టికల్‌లో తెలుసుకుందాం.

బరువు తగ్గుతారు:

• బరువు తగ్గాలని ప్రయత్నిస్తున్నట్లయితే.. మొక్కజొన్న ఉపయోగకరంగా ఉంటుంది. అందుకోసం మొక్కజొన్నను  ఆహారంలో చేర్చుకోవాలి. మొక్కజొన్న తినడం వల్ల  పొట్ట ఎక్కువసేపు నిండుగా ఉంటుంది. తద్వారా అదనపు కేలరీల తీసుకోవడం తగ్గుతుంది. మొక్కజొన్నను క్రమం తప్పకుండా తీసుకోవడం వల్ల బరువు తగ్గడంలో సహాయపడుతుంది.

రోగనిరోధకశక్తి అధికం:

• చలికాలంలో రోగనిరోధక శక్తిని బలోపేతం చేయడానికి మొక్కజొన్న తినాలి. ఇది విటమిన్ సి ముఖ్యమైన మూలం. ఇది రోగనిరోధక వ్యవస్థను బలపరుస్తుంది.

గుండెకు శక్తి:

• మొక్కజొన్నలో ఉండే ఫైబర్, ఫైటోన్యూట్రియెంట్లు రక్తంలోని చెడు కొలెస్ట్రాల్‌ను తగ్గిస్తాయి. గుండెను బలోపేతం చేస్తాయి. మొక్కజొన్న తినడం వల్ల రక్తంలోని లిపిడ్ ప్రొఫైల్ నార్మల్‌గా ఉంటుంది. 

కళ్లు ఆరోగ్యం:

• మొక్కజొన్నలో లుటిన్, జియాక్సంతిన్ అనే రెండు యాంటీఆక్సిడెంట్లు ఉన్నాయి. ఇవి కళ్ళను ఆరోగ్యంగా ఉంచుతాయి. ఇది వయస్సు సంబంధిత కంటి సమస్యలను నివారిస్తుంది. కంటిశుక్లం ప్రమాదాన్ని తగ్గిస్తుందని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం. 

Also Read: బెండకాయతో పొరపాటున ఇవి తినకండి