Health Tips: మార్నింగ్‌ సిక్‌నెస్‌ నుంచి ఇలా సులభంగా బయటపడండి

Morning Sickness: ఉదయం నిద్రలేవగానే వికారం, వాంతులు, తలనొప్పి వంటి సమస్యలు చాలా మందికి ఉంటాయి. వీటిని మార్నింగ్ సిక్‌నెస్ అంటారు. గర్భధారణ సమయంలో స్త్రీలలో ఈ సమస్యలు ఎక్కువగా ఎదుర్కొంటారు. భావోద్వేగ ఒత్తిడి, నిరంతర ప్రయాణం, అధిక అలసట రాత్రి భోజనం ఆలస్యంగా తినడం లేదా భారీగా ఆహారం తీసుకోవడం వంటి వాటి వల్ల మార్నింగ్‌ సిక్‌నెస్‌ ఉంటుంది. అందుకే దినచర్యను మెరుగుపర్చుకోవాలని వైద్యులు అంటున్నారు. వికారం, వాంతులు శరీరంలో బరువు తగ్గడానికి, ఎలక్ట్రోలైట్ లోపానికి దారి తీయవచ్చు. కొన్ని హోం రెమెడీస్ మార్నింగ్ సిక్నెస్ నుంచి ఉపశమనం పొందడంలో సహాయపడతాయి. ఉదయం వాంతులు, వికారం, తలనొప్పి ఉంటే ఎక్కువగా నీళ్లు తాగాలి, బాగా నిద్రపోవాలని వైద్యులు చెబుతున్నారు. అలాగే భోజనానికి అరగంట ముందు, భోజనం చేసిన అరగంట తర్వాత కూడా నీళ్లు తాగాలి. మసాలా, కొవ్వు పదార్ధాలను తినడం మానుకోవాలి. అలాగే అన్ని ఆహారాన్ని ఒకేసారి తినకుండా గంటల వ్యవధిలో కొద్ది మొత్తంలో తినాలి.

అల్లం-నిమ్మకాయ టీ:

• మార్నింగ్ సిక్‌నెస్‌తో బాధపడుతుంటే అల్లం బాగా సహాయపడుతుంది. ఒక కప్పు నీటిలో అల్లం చూర్ణం వేసి మరిగించాలి. వడగట్టిన తర్వాత కాస్త నిమ్మరసం వేసి తాగాలి. దీనివల్ల వాంతులు, వికారం నుంచి కొంత సమయం లో ఉపశమనం లభిస్తుంది. తలనొప్పి నుంచి ఉపశమనం పొందేందుకు ఇది ఎఫెక్టివ్ రెమెడీ.

ఈ పండ్ల వాసన చూడండి:

• గర్భధారణ సమయంలో మార్నింగ్ సిక్నెస్ ఉంటే దాని నుంచి ఉపశమనం పొందడానికి నిమ్మ, నారింజ, నిమ్మ వంటి పండ్లను వాసన చూస్తే ఉపశమనం లభిస్తుంది. మార్నింగ్ సిక్నెస్‌తో బాధపడుతుంటే ఈ పండ్లను మీ దగ్గర ఉంచుకోవచ్చు. అంతే కాకుండా నిమ్మరసంలో బ్లాక్ సాల్ట్ కలిపి తింటే మార్నింగ్ సిక్‌నెస్ నుంచి ఉపశమనం లభిస్తుంది.

సోంపు:

• జీర్ణక్రియకు సోంపు చాలా మంచిది. కాబట్టి వాంతులు లేదా వికారం అనిపిస్తే సోంపును మరిగించి దాని నీటిని తాగాలి. సోంపును నమలవచ్చు. ఇది కూడా ఉపశమనం కలిగిస్తుంది. ఎసిడిటీ, వికారం వంటి సమస్యలు దరిచేరవు. సోంపులో అనేక పోషకాలు ఉంటాయి. దీనివల్ల ఇతర ఆరోగ్య ప్రయోజనాలు లభిస్తాయి.

యాలకులు:

• ఉదయం వాంతులు, వికారం అనుభవిస్తే ఎక్కువసేపు ఖాళీ కడుపుతో ఉండకుండా చూసుకోవాలి. ప్రత్యామ్నాయంగా కాసేపు యాలకులను నమలవచ్చు. దీనివల్ల ఉపశమనం కూడా లభిస్తుందని వైద్యులు చెబుతున్నారు.
  
  

గమనిక:ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం. 

Also Read: గదిలో ఈ వస్తువులుంటే జాగ్రత్త.. లేకపోతే ప్రాణాంతకం జరగవచ్చు