Vitamin: ఈ విటమిన్‌ లోపంతో కీళ్ల నొప్పులు వస్తాయి

Vitamin: శరీరంలో పోషకాల కొరత కారణంగా అనేక ఆరోగ్య సమస్యలు వస్తాయి. శరీరంలో కనిపించే కొన్ని లక్షణాలతో విటమిన్‌ లోపాలను తెలుసుకోవచ్చు. తరచుగా కీళ్లలో నొప్పిని అనుభవిస్తే జాగ్రత్తగా ఉండాలి. ఎందుకంటే ఈ లక్షణం విటమిన్ B12లోపాన్ని సూచిస్తుందని నిపుణులు అంటున్నారు. విటమిన్ B12 లోపం మీ ఎముకల ఆరోగ్యాన్ని తీవ్రంగా దెబ్బతీస్తుంది. ఈ విటమిన్ లోపం కారణంగా ఎముకలు లేదా కండరాలలో నొప్పి వస్తుంది. కీళ్ల నొప్పులు ఈ విటమిన్ లోపం అత్యంత సాధారణ లక్షణం.

చర్మం పసుపు రంగులోకి.. 

చేతులు, కాళ్ళ తిమ్మిరి కూడా విటమిన్ B12 లోపాన్ని సూచిస్తుంది. అంతేకాకుండా అన్ని సమయాలలో అలసట, బలహీనంగా అనిపించడం కూడా ప్రమాదానికి సంకేతమని నిపుణులు అంటున్నారు. ఈ విటమిన్ లోపం వల్ల వాంతులు, విరేచనాలు వంటి సమస్యలు కూడా తలెత్తుతాయి. చర్మం పసుపు రంగులోకి మారినట్లయితే లేదా బరువు అకస్మాత్తుగా తగ్గడం ప్రారంభించినట్లయితే, మీరు కూడా జాగ్రత్తగా ఉండాలి. 

ఇది కూడా చదవండి: దీపావళి రోజు వీటిని చూస్తే డబ్బుకు లోటు ఉండదు

నోరు లేదా నాలుకలో నొప్పి కూడా ఈ విటమిన్ లోపాన్ని సూచిస్తుంది. అంతే కాకుండా ఈ విటమిన్ లోపంతో చిరాకు, ఏడుపు వస్తుంటుందని నిపుణులు చెబుతున్నారు. విటమిన్ B12 లోపాన్ని సకాలంలో అధిగమించకపోతే అల్జీమర్స్, రక్తహీనత, ఎముకల సంబంధిత వ్యాధులకు గురయ్యే అవకాశం ఉంది. విటమిన్ B12 లోపం మెదడు, నాడీ వ్యవస్థను చెడుగా ప్రభావితం చేస్తుంది. ఈ విటమిన్ లోపం ఆరోగ్యంతో పాటు చర్మానికి ప్రమాదకరమని నిపుణులు హెచ్చరిస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: మన శరీరంలో మనకు తెలియని రహస్యాలు