Children Height: మీ పిల్లలు పొడవు పెరగాలంటే ఈ ఆహారం ఇవ్వండి

పిల్లల ఎముకలు, దంతాల అభివృద్ధికి కాల్షియం చాలా ముఖ్యం. శరీరాన్ని బలంగా, ఆరోగ్యంగా మార్చడంలో సహాయపడుతుంది. అంతే కాదు మెదడు, నరాలు సక్రమంగా పనిచేయడంలో ముఖ్యపాత్ర పోషిస్తుంది.

పెరుగుతున్న వయస్సులో ఇతర పోషకాహారంతో పాటు పిల్లలకు కాల్షియం అధికంగా ఉండే ఆహారం ఇవ్వాలి. శరీరం వేగంగా అభివృద్ధి చెందుతుంది. మానసికంగా కూడా ఆరోగ్యంగా ఉంటారని వైద్యులు అంటున్నారు.

0-6 నెలల వయస్సు ఉన్న పిల్లలకు రోజుకు 1,000 mg కాల్షియం అవసరం. అయితే 7-12 నెలల వయస్సు గల శిశువుకు 1,500, 1-8 సంవత్సరాల వయస్సు గల పిల్లలకు 2,500, 9-18 సంవత్సరాల వయస్సు గల పిల్లలకు 3,000 అవసరం.

పాలు, పెరుగు, చీజ్ వంటి పాల ఉత్పత్తులలో కాల్షియం పుష్కలంగా ఉంటుంది. ఈ కాల్షియం శరీరం బాగా గ్రహిస్తుంది. మొక్కల ఆహారాల నుండి కాల్షియం శరీరం గ్రహించదు. కాబట్టి బిడ్డకు ప్రతిరోజూ పాలు, పెరుగు, జున్ను, మజ్జిగ ఇవ్వాలి.

పాలకూర, మెంతికూరల్లో కాల్షియం పుష్కలంగా ఉంటుంది. ఈ పచ్చి కూరగాయల సూప్ లేదా సలాడ్ పిల్లలకు ఇవ్వవచ్చు. వాటిలో ఐరన్‌, ఫైబర్ కూడా అధికంగా ఉంటుంది.

నువ్వులలో కాల్షియం ఎక్కువగా ఉంటుంది. నువ్వుల లడ్డు, నువ్వులు, బెల్లం పిండి లేదా నువ్వులతో చేసిన ఇతర వంటకాలను పిల్లలకు ఇవ్వవచ్చు.