Bhut Jolokia Chilli: భారత్‌లో కొందరు మాత్రమే తినే మిరపకాయ

భారతదేశంలో అనేక రకాల మిరపకాయలు కనిపిస్తాయి. వీటిలో కొన్ని మిరపకాయలు చాలా కారంగా ఉంటాయి. అందరూ వాటిని తినడానికి ధైర్యం చేయలేరు. కొందరు స్పైసీ తినడానికి ఇష్టపడతారు. మరికొందరు తక్కువ మంటగా ఉన్న మిర్చిని తీసుకుంటారు.

భూట్ జోలోకియా అనేది ప్రపంచంలోనే అత్యంత కారం ఉండే మిరపగా పిలుస్తారు. దీని పేరు గిన్నిస్ వరల్డ్ రికార్డ్స్‌లో కూడా నమోదైంది. ఈ మిరపకాయ చాలా కారంగా ఉంటుంది. ఇది తిన్నాక కళ్ల నుంచి వెంటనే నీళ్లు కూడా వస్తాయి.

భూట్ జోలోకియా ప్రధానంగా నాగాలాండ్, అరుణాచల్‌ ప్రదేశ్, అసోం, మణిపూర్ వంటి భారతదేశంలోని ఈశాన్య రాష్ట్రాలలో సాగు చేస్తారు. ఈ మిరపకాయను రాజా మిర్చి, నాగా మిర్చి, క్యాప్సికమ్ చినెన్స్, ఘోస్ట్ పెప్పర్ మొదలైన పేర్లతో కూడా పిలుస్తారు.

భూట్ జోలోకియా రుచిలో మాత్రమే కాదు అనేక ఔషధ గుణాలు కలిగి ఉంటుంది. జీర్ణక్రియకు చాలా మంచిది. బరువు తగ్గించడంలో కూడా సహాయపడుతుంది. దీనిలోని యాంటీ ఆక్సిడెంట్లు మనల్ని అనేక వ్యాధుల నుంచి కాపాడతాయి.

దీనిని చట్నీ, పచ్చళ్లు, మసాలా తయారీలో వాడుతారు. కొద్దిగా మాత్రమే వేసుకోవాలి. ఎందుకంటే దీని మంటను భరించలేం.

భూట్ జోలోకియాలో క్యాప్సైసిన్ అనే మూలకం ఉండటంతో చాలా కారంగా ఉంటుంది. క్యాప్సైసిన్ అనేది మిరపకాయలకు మసాలా రుచిని అందించే రసాయన సమ్మేళనం.