Eyebrows: ఈ నూనె రాస్తే అందమైన కనుబొమ్మలు మీ సొంతం

కనుబొమ్మలు పల్చగా ఉంటే లుక్ బాగా కనిపించదు. సన్నటి కనుబొమ్మలను బొద్దుగా మార్చుకోవడానికి ప్రజలు ఎన్నో ప్రయత్నాలు చేస్తుంటారు. కొన్ని ఇంటి చిట్కాలతో సులభంగా లుక్‌ మార్చుకోవచ్చు.

కనుబొమ్మల పెరుగుదలకు అలోవెరా జెల్‌ని ఉపయోగించవచ్చు. అలోవెరా జెల్‌ను వేలితో తీసుకుని కనుబొమ్మలపై మసాజ్ చేయాలి. అరగంట తర్వాత కడుక్కోవాలి. అలోవెరా జెల్‌ను రాత్రి అప్లై చేసుకోవచ్చు.

జుట్టు పెరుగుదలను పెంచడానికి మెంతులు ప్రభావవంతంగా ఉంటాయి. ఒక టీస్పూన్ మెంతులు తీసుకుని రాత్రంతా నీటిలో నానబెట్టండి. తర్వాత పేస్ట్‌లా చేసి కనుబొమ్మలపై అప్లై చేయాలి. 30 నుంచి 40 నిమిషాల తర్వాత ముఖం కడుక్కోవాలి.

ప్రొటీన్లు అధికంగా ఉండే గుడ్డు పచ్చసొన కనుబొమ్మల పెరుగుదలను మెరుగుపరచడంలో సహాయపడుతుంది. పచ్చసొనను కనుబొమ్మలపై అప్లై చేసి 30 నిమిషాల పాటు అలాగే ఉంచాలి. తర్వాత ముఖం కడగాలి.

ఒక గ్లాసు గోరువెచ్చని పాలలో 4 నుండి 5 చుక్కల ఆముదం కలపండి. రాత్రి పడుకునే ముందు తాగాలి. పాల ఎలర్జీ ఉంటే వేడి నీటిలో 2 టీస్పూన్ల ఆవనూనెను కలిపి తీసుకోవచ్చు.

తాజా నిమ్మరసం కనుబొమ్మలు పెరిగేందుకు సహాయపడుతుంది. నిమ్మకాయలో విటమిన్ సి పుష్కలంగా ఉంటుంది. ఇది జుట్టు పెరుగుదలను ప్రోత్సహిస్తుంది.