Life Style: చాలా మంది ల్యాప్‌టాప్‌ను ఒడిలో పెట్టుకొని పని చేస్తూ ఉంటారు. బహుశా మీకు కూడా ఈ అలవాటు ఉండవచ్చు. అయితే ఎక్కువ సేపు ఒడిలో ల్యాప్ టాప్ పెట్టుకుని పని చేయడం వల్ల ఆరోగ్యానికి హానీ కలుగుతుందని చెబుతున్నారు నిపుణులు. ఒడిలో ల్యాప్‌టాప్‌ని పెట్టుకోవడం ద్వారా సంతానోత్పత్తి, నిద్రలేమి సమస్యలు వచ్చే ప్రమాదం ఉంటుంది.

ఒడిలో ల్యాప్ టాప్ పెట్టుకోవడం వల్ల కలిగే నష్టాలు

టోస్టెడ్ స్కిన్ సిండ్రోమ్

చాలా సార్లు, ల్యాప్‌టాప్ నుంచి వేడి గాలి బయటకు రావడం వల్ల చర్మంపై చికాకు వస్తుంది. దీనిని టోస్టెడ్ స్కిన్ సిండ్రోమ్ అంటారు. ల్యాప్‌టాప్ నుంచి వెలువడే వేడి కారణంగా చర్మంపై తేలికపాటి, అస్థిరమైన ఎరుపు దద్దుర్లు ఏర్పడతాయని వైద్య నివేదికలు చెబుతున్నాయి.

వెన్ను నొప్పి

ల్యాప్‌టాప్‌ను ఒడిలో పెట్టుకోవడం, తప్పుడు భంగిమలో కూర్చోవడం వల్ల వెన్నునొప్పి వస్తుంది. ఇది వ్యక్తి మానసిక ఆరోగ్యాన్ని కూడా ప్రభావితం చేస్తుంది. అటువంటి పరిస్థితిలో, ఈ సమస్యను నివారించడానికి, ల్యాప్‌టాప్‌ను డెస్క్‌పై ఉంచడం ద్వారా ఉపయోగించండి.

సంతానోత్పత్తి పై చెడు ప్రభావం

అమెరికన్ సొసైటీ ఫర్ రిప్రొడక్టివ్ మెడిసిన్ నిర్వహించిన ఒక అధ్యయనంలో ఒడిలో ల్యాప్‌టాప్‌ పెట్టుకొని ఉపయోగించడం వల్ల సంతానోత్పత్తిపై ప్రభావం చూపుతుందని తేలింది. ల్యాప్‌టాప్ నుంచి వెలువడే వేడి గాలి స్పెర్మ్ సంఖ్యను, నాణ్యతను తగ్గిస్తుంది. ఎక్కువసేపు వేడికి గురికావడం వల్ల స్క్రోటమ్ ఉష్ణోగ్రత పెరుగుతుంది.

కంటి ఒత్తిడి సమస్య

ల్యాప్‌టాప్‌పై ఎక్కువ సేపు పనిచేయడం వల్ల మీ కళ్లపై ప్రభావం చూపుతుంది. దీనివల్ల మీ కళ్లలో ఒత్తిడి, పొడిబారడం లేదా తలనొప్పి వస్తుంది. అంతే కాదు ల్యాప్ టాప్ నుంచు వచ్చే రేడియేషన్ నేరుగా శరీరం పై పడతాయి. పరికరం నుంచి వచ్చే వేడి అనారోగ్యానికి గురి చేస్తుంది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

Also Read: Phalsa fruit: ఫాల్సా పండుతో అద్భుత ప్రయోజనాలు.. డయాబెటిక్ రోగులకు సరైన ఎంపిక..!