/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/02/LIC-New-Policy-jpg.webp)
Savings - Insurance : లైఫ్ ఇన్సూరెన్స్ కార్పొరేషన్ ఆఫ్ ఇండియా అంటే LIC కొత్త పాలసీని ప్రారంభించింది. ఈ పాలసీ పేరు 'ఇండెక్స్ ప్లస్'(Index Plus). ఇది యూనిట్ లింక్డ్ పాలసీ. దీనివలన పాలసీ హోల్డర్స్ మెరుగైన రాబడిని పొందడమే కాకుండా లైఫ్ ఇన్సూరెన్స్ బెనిఫిట్స్ కూడా పొందుతారు. ఫిబ్రవరి 6 నుంచి ఈ పాలసీలో పెట్టుబడులు పెట్టవచ్చు. దానిలోని(LIC New Policy) కొన్ని విశేషాలను తెలుసుకుందాం…
దేశంలోని అతిపెద్ద బీమా కంపెనీ LIC ఈ యూనిట్ లింక్డ్ పాలసీ(LIC New Policy) కోసం, మీరు రెగ్యులర్ ప్రీమియం చెల్లించాల్సి ఉంటుంది. ఇది నాన్-పార్టిసిటింగ్ పర్సనల్ ఇన్సూరెన్స్ ప్లాన్. కేవలం భారతీయ మార్కెట్‌ను దృష్టిలో ఉంచుకుని ఈ ప్లాన్‌ను ప్రారంభించడం జరిగింది. ఎల్‌ఐసీ సోమవారం ఈ పాలసీని ప్రారంభించింది. కంపెనీ ప్రకటన ప్రకారం, ఈ పాలసీలో వ్యక్తులు మొత్తం పాలసీ వ్యవధికి జీవిత బీమా అలాగే, పొదుపు రెండింటి సౌకర్యాన్ని పొందుతారు.
ఈ విధంగా మంచి రాబడి..
ఈ పాలసీలో, మీ వార్షిక ప్రీమియంలో కొంత భాగం యూనిట్ ఫండ్‌లో జమ చేస్తారు. దీనిని యూనిట్లను కొనుగోలు చేయడానికి ఉపయోగిస్తామని LIC చెప్పింది. ఈ మొత్తాన్ని పెట్టుబడి పెట్టిన యూనిట్ ఫండ్‌లో మీరు గ్యారెంటీడ్ ఇన్ కం పొందుతారు. అయితే, ఇది మీ పాలసీ నిర్దిష్ట వ్యవధిని పూర్తి చేసిన తర్వాత వస్తుంది.
యూనిట్లు మధ్యలో రీడీమ్ చేసుకోవచ్చు..
LIC ఈ పాలసీతో మీకు మరొక సదుపాయాన్ని అందించింది. 5 సంవత్సరాల 'లాక్-ఇన్' వ్యవధిని పూర్తి చేసిన తర్వాత, మీరు ఎప్పుడైనా యూనిట్లలో కొంత భాగాన్ని రీడీమ్ చేయవచ్చు. ఇది కొన్ని షరతులపై ఆధారపడి ఉంటుంది.
Also Read : పాన్ ఆధార్ లింక్ చేయనివారి నుంచి ప్రభుత్వానికి కోట్లాది రూపాయలు
పాలసీలో పెట్టుబడి ఎలా పెట్టాలి?
- LIC ఇండెక్స్ ప్లస్ పాలసీని 90 రోజుల వయస్సు ఉన్న పిల్లల పేరు మీద కూడా తీసుకోవచ్చు. . అయితే దీనిలో ప్రవేశించడానికి గరిష్ట వయస్సు 50 లేదా 60 సంవత్సరాలు
- పాలసీ మెచ్యూరిటీకి కనీస వయస్సు 18 సంవత్సరాలు. గరిష్ట వయస్సు 75 సంవత్సరాల నుండి 85 సంవత్సరాల వరకు ఉంటుంది
- ప్రవేశం - మెచ్యూరిటీ టర్మ్ గరిష్ట వయస్సు స్థాయి వారి ప్రాథమిక హామీ మొత్తంపై ఆధారపడి ఉంటుంది.
- ఈ పాలసీలో, మీ ప్రాథమిక బీమా మొత్తం ద్వారా మీ ప్రీమియం నిర్ణయిస్తారు. మీ వార్షిక ప్రీమియమ్‌కి ప్రాథమిక హామీ మొత్తం 7 నుండి 10 రెట్లు ఉండేలా దీని లెక్కింపు ఉంటుంది.
- ప్రజలు దాని ప్రీమియంను నెలవారీ నుండి వార్షిక ప్రాతిపదికన చెల్లించగలరు. ఇందులో వార్షిక ప్రీమియం రేంజ్ దాదాపు రూ.30,000 ఉంటుంది.
- ఈ పాలసీకి కనిష్ట మెచ్యూరిటీ వ్యవధి 10 సంవత్సరాలు, గరిష్ట మెచ్యూరిటీ వ్యవధి 25 సంవత్సరాలు.
- దీనిలో, మీ యూనిట్ ఫండ్‌ను ఎక్కడ పెట్టుబడి పెట్టాలనే దాని కోసం మీరు 2 ఎంపికలను పొందుతారు.
- మీరు ఫ్లెక్సీ గ్రోత్ ఫండ్ లేదా ఫ్లెక్సీ స్మార్ట్ గ్రోత్ ఫండ్ మధ్య ఎంచుకోవచ్చు. ఈ పెట్టుబడులు వరుసగా NSE నిఫ్టీ 100 ఇండెక్స్ లేదా NSE నిఫ్టీ 50 ఇండెక్స్‌లో చేయబడతాయి.
Watch this Interesting Video :