Narudi Brathuku Natana: 'నరుడి బ్రతుకు నటన'.. ప్రేక్షకులను ఆకట్టుకుంటున్న గ్లింప్స్

Narudi Brathuku Natana: పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ నిర్మిస్తున్న లేటెస్ట్ చిత్రం 'నరుడి బ్రతుకు నటన'. రిషికేశ్వర్ యోగి ఈ సినిమాను తెరకెక్కించారు. విడుదలకు ముందే 60 కి పైగా పురస్కారాలను సొంతం చేసుకున్న ఈ చిత్రం ఏప్రిల్ 26న ప్రేక్షకుల ముందుకు రానుంది. ఈ మూవీలో శివకుమార్, నితిన్ ప్రసన్న, శృతి జయన్, ఐశ్వర్యా అనిల్ కుమార్, వైరా రాఘవ ప్రధాన పాత్రలు పోషించారు.

Also Read: Disha Patani: మైనస్‌ డిగ్రీల చలిలో ప్రభాస్‌తో క్యూట్‌ బ్యూటీ రొమాన్స్‌ .. ఇటలీ ఫొటోలు వైరల్!

'నరుడి బ్రతుకు నటన'

తాజాగా మూవీ గ్లింప్స్ రిలీజ్ చేశారు మేకర్స్. గ్లింప్స్ చూస్తుంటే శివకుమార్, నితిన్ ప్రసన్న జీవితాల చుట్టూ తిరిగే కథే ఈ సినిమా అన్నట్లుగా తెలుస్తోంది. సత్య (శివకుమార్) కు నటుడు కావాలనేది కోరిక. కానీ ప్రతీ సారి అతనికి అవమానాలే ఎదురవుతూ ఉంటాయి. మరో వైపు మంచి స్నేహితులుగా కనిపించిన శివకుమార్, నితిన్ చివరిలో శత్రువులుగా మారినట్లు చూపించారు. ప్రేమ, నవ్వు, బాధ ఇలా పలు భావోద్వేగాలతో కూడిన ఈ గ్లింప్స్ ప్రేక్షకులను విశేషంగా ఆకట్టుకుంటోంది. అంతే కాదు రిలీజ్ కు ముందే ఈ మూవీని ఇంటర్నేషనల్ ఫిలిం ఫెస్టివల్స్ లో స్క్రీనింగ్ చేశారు. దీంతో సినిమా పై మరింత ఆసక్తి పెరిగింది.

Also Read : Anupama Parameswaran: ‘టిల్లు స్క్వేర్’ లో అలాంటి పాత్ర చేయడానికి కారణం ఇదే.. వైరలవుతున్న అనుపమ కామెంట్స్..!