టాలీవుడ్‌ రౌడీ హీరో విజయ్ దేవరకొండ, సమంత నటిస్తున్న చిత్రం ఖుషి. ఈ చిత్రానికి శివనిర్వాణ దర్శకత్వం వహిస్తున్నారు. ఇప్పటికే ఈ చిత్రం నుంచి విడుదల చేసిన ఫస్ట్ లుక్‌ పోస్టర్లతో పాటు, సింగిల్ సాంగ్స్ కూడా సూపర్‌ రెస్పాన్స్ ని అందుకున్నాయి. నా రోజా నువ్వే సాంగ్ అయితే ఇప్పటికే మిలియన్ల వ్యూస్ రాబట్టి ట్రెండింగ్‌ లో నిలిచింది.
తాజాగా మేకర్స్ ఈ మూవీ నుంచి థర్డ్‌ సింగిల్ అప్డేట్ అందించారు. ఖుషి టైటిల్‌ సాంగ్ ను జులై 28న విడుదల చేస్తున్నట్టు తెలియజేశారు. బ్లూ డ్రెస్‌లో ఛిల్‌ అవుట్‌ మూడ్‌లో ఉన్న విజయ్ దేవరకొండ లుక్‌ ఇప్పుడు నెట్టింట వైరల్‌ గా మారింది. . మ్యూజిక్ డైరెక్టర్‌ హేశమ్‌ అబ్ధుల్‌ వహబ్‌ టీం ఇప్పటికే ఖుషి నువ్‌ కనబడితే.. ఖుషి నీ మాట వినబడితే.. అంటూ సాగే ట్యూన్‌తో అదిరిపోయే మ్యూజికల్ అప్డేట్ అందించాడు. ఈ ట్యూన్‌ను ఫుల్ ఎంజాయ్ చేస్తున్నారు మ్యూజిక్ లవర్స్‌.
ఈ చిత్రాన్ని తెలుగుతోపాటు తమిళం, హిందీ, కన్నడ, మలయాళ భాషల్లో విడుదల చేయనున్నారు. ఖుషి చిత్రాన్ని సెప్టెంబర్ 1న సినిమా విడుదల చేస్తున్నట్టు తెలియజేస్తూ లాంఛ్ చేసిన స్పెషల్ పోస్టర్‌ అందరినీ ఇంప్రెస్ చేస్తోంది. మైత్రీ మూవీ మేకర్స్ బ్యానర్‌లో ఈ చిత్రంలో స‌చిన్ ఖ‌డేక‌ర్‌, ముర‌ళీ శ‌ర్మ, ల‌క్ష్మి, అలీ, రోహిణి, వెన్నెల కిశోర్‌, రాహుల్ రామ‌కృష్ణ, శ్రీకాంత్ అయ్యంగార్‌, కన్నడ యాక్టర్‌ జ‌య‌రాం, శ‌ర‌ణ్య ప్రదీప్‌ కీలక పాత్రలు పోషిస్తున్నారు.
