కేపీ చౌదరి కేసులో సినీ ప్రముఖులపై ఆరా

సినీ ప్రముఖులతో సంబంధాలపై..

కేపీ చౌదరితో తమకు ఎలాంటి సంబంధం లేదని పలువురు యాక్టర్లు పేర్కొన్నారు. కేపీతో ఫ్రెండ్షిప్ తప్ప మత్తు పదార్థాలకు సంబంధం లేవని చెప్తున్నారు. అయితే, కేపీ కేసులో సైబరాబాద్ పోలీసుల విచారణ కొనసాగుతుంది. కేపీ వాట్సాప్ డాటాను పోలీసులు రీట్రైవ్ చేశారు. సినీ ప్రముఖులతో సంబంధాలపై ఆరా తీస్తున్నారు. ఒకటి రెండు రోజుల్లో సినీ ప్రముఖులకు నోటీసులు ఇచ్చి విచారణ చేయనున్నారు. ఇప్పటికే 14 మంది సినీ ప్రముఖులకు నోటీసులు ఇచ్చేందుకు పోలీసులు రంగం సిద్ధం చేశారు.

బ్యాంక్ ఖాతా లావాదేవీలపై ఆరా

పోలీసులు మాత్రం కేపీ చౌదరి కాల్ డేటాతో పాటు.. ఆయన బ్యాంక్ ఖాతాలో అనుమానస్పద లావాదేవీలపై ఆరా తీస్తున్నారు. ఇందులో ఎవరెవరికి సంబంధం ఉంది అనే కోణంగా ఎంక్వైరీ చేస్తున్నారు. కేపీ చౌదరిని ఇప్పటికే పోలీసులు పలు కోణాల్లో విచారణ చేస్తున్నారు. అతను ఇచ్చిన పార్టీలో ఎవరెవరు ఉన్నారని ప్రశ్నిస్తున్నారు. ఈ కేసులో పలువురు ప్రముఖ సినీ నటుల పేర్లు కూడా బయటకు వచ్చే అవకాశం ఉందని తెలుస్తోంది.