Kolkata Rape Accused: కోల్కతా హత్యాచారం కేసు.. నిందితుడు సంజయ్ రాయ్కు నేడు పాలిగ్రాఫ్ టెస్ట్!

Kolkata Rape Accused: కోల్‌కతా వైద్యురాలి కేసులో సీబీఐ విచారణ వేగవంతం చేసింది. ఇవాళ ప్రధాన నిందితుడు సంజయ్‌ రాయ్‌కు పాలిగ్రాఫ్ టెస్ట్ నిర్వహించనుంది. ఆర్జీ కర్ హాస్పిటల్ మాజీ ప్రిన్సిపల్ సందీష్ ఘోష్‌తోపాటు మరో ఆరుగురికి పాలిగ్రాఫ్ టెస్ట్ పూర్తి చేసింది. ఇప్పటికే కోల్‌కతాకు సెంట్రల్ ఫోరెన్సిక్ సైన్స్ లాబొరేటరీ చేరుకున్నారు. జైలులోనే సంజయ్ రాయ్‌కు టెస్ట్ నిర్వహించనున్నారు. మరోవైపు నిందితుడు వాడిన బైక్‌ను సీజ్‌ చేశారు పోలీసులు.

కాగా జడ్జి పాలిగ్రాఫ్ టెస్ట్ సిద్ధమా అని నిందితుడిని అడగగా.. నిందితుడు సంజయ్ రాయ్‌ సంచలన ఆరోపణలు చేశారు. తనను కావాలనే ఈకేసులో ఇరికించారని జడ్జి ఎదుట కన్నీళ్లు పెట్టుకున్నాడు. పాలిగ్రాఫ్‌ పరీక్షకు ఎందుకు సమ్మతిస్తున్నావు అని మేజిస్ట్రేట్ అడగగా.. నేను అమాయకుడిని..ఏ తప్పు చేయలేదని చెప్పాడు. తనను ఇందులో ఇరికించారని అన్నాడు. ఈ పరీక్షలో అసలు విషయం బయటపడుతుందని సంజయ్ రాయ్‌ సమాధానం చెప్పినట్లు సమాచారం.

Also Read : టెలిగ్రామ్ చీఫ్ పావెల్ దురోవ్‌ అరెస్ట్! ఎందుకంటే..