Kitchen Hacks: ఇంట్లో పెరుగు పుల్లగా మారిందా..? అయితే ఈ టిప్స్ మీ కోసమే

Kitchen Hacks: వేసవిలో ఆహారంతో పాటు వడ్డించే పెరుగు భోజనానికి రుచిని పెంచడమే కాకుండా శరీరాన్ని చల్లగా ఉంచుతుంది. అలాగే ఆరోగ్యకరమైన జీర్ణక్రియను నిర్వహించడానికి సహాయపడుతుంది. బలమైన సూర్యకాంతి , వేడి మధ్య శరీరంలో చల్లదనాన్ని నిర్వహించడానికి, ప్రజలు వేసవిలో లస్సీ, రైతా లేదా సాదా పెరుగు రూపంలో పెరుగును తీసుకుంటారు.

అయితే మార్కెట్‌లో కొనుగోలు చేసిన పెరుగు అవసరానికి మించి పులుపుగా మారడంతో సమస్య తలెత్తుతోంది. ప్రజలు తరచుగా అదనపు పుల్లని పెరుగును పారేస్తారు. అయితే పెరుగు పుల్లగా మారినట్లయితే, దానిని విసిరేయడం ఒక్కటే పరిష్కారం కాదు. పెరుగులోని పులుపును తొలగించడానికి కొన్ని చిట్కాలు ఉన్నాయి. అవేంటో ఇప్పుడు తెలుసుకుందాము..

పెరుగులో పులుపు తగ్గడానికి చిట్కాలు

• పెరుగులో విపరీతమైన పులుపును తగ్గించడానికి, ముందుగా పెరుగు నుంచి నీటిని జాగ్రత్తగా వేరు చేయండి. ఇప్పుడు దానికి చల్లటి నీరు వేసి, చెంచాతో నెమ్మదిగా కదిలించండి. దాని క్రీమ్ నీటిలో కరగకూడదని గుర్తుంచుకోండి. తర్వాత జల్లెడ ద్వారా వడపోసి, దాని నుండి నీటిని వేరు చేయండి.
• పాలను వేడి చేసి పూర్తిగా చల్లార్చాలి. పెరుగులో చల్లని పాలు వేసి బాగా కలపాలి. 30 నిమిషాలు రిఫ్రిజిరేటర్లో ఉంచండి. ఫ్రిజ్‌లో నుంచి తీసి మరోసారి మిక్స్ చేసి పెరుగు తినాలి. పాల తాజాదనం పెరుగు పులుపును ప్రభావితం చేస్తుంది.
• పెరుగులోని పులుపును తగ్గించేందుకు తాజా క్రీమ్ కూడా పనిచేస్తుంది. దీని కోసం, పాల నుంచి క్రీమును వేరు చేసి చల్లబరచాలి. ఇప్పుడు పెరుగులో ఫ్రెష్ క్రీమ్ వేసి మిక్స్ చేసి తినాలి. దీని ద్వారా పులుపు స్వభావం తగ్గుతుంది.

Also Read: Plants : ఇంట్లో ఆర్ధిక సమస్యలు ఉన్నాయా..? ఈ మొక్కలను నాటండి..!