karnataka: ప్రైవేటు సంస్థల్లో స్థానికుల రిజర్వేషన్‌ బిల్లును నిలిపివేసిన కర్ణాటక సర్కార్..

కర్ణాటకలోని ప్రైవేట్‌ సంస్థల్లో కన్నడిగులకు రిజర్వేషన్లు కల్పించే బిల్లుకు మంత్రివర్గం ఆమోదం తెలిపిందని సీఎం సిద్ధరామయ్య ప్రకటించిన సంగతి తెలిసిందే. కానీ ఈ విషయంలో రాష్ట్ర ప్రభుత్వంపై ఆయా పరిశ్రమల నుంచి పెద్ద ఎత్తున విమర్శలు వచ్చాయి. ఈ నేపథ్యంలో సిద్ధరామయ్య ప్రభుత్వం ఈ రిజర్వేషన్‌ బిల్లును నిలిపివేసింది. అసెంబ్లీ సమావేశాల్లో ఈ బిల్లును ప్రవేశపెట్టకముందు దీన్ని మరోసారి పరిశీలిస్తామని ప్రకటించింది. ప్రైవేట్‌ రంగంలో కన్నడిగులకు 50 శాతం మేనేజ్‌మెంట్ స్థానాలకు, 75 శాతం నాన్‌ మేనేజ్‌మెంట్ స్థానాలకు రిజర్వేషన్ కల్పించేలా కేబినేట్ బిల్లును ఆమోదించిన కొన్ని గంటలకే.. రాష్ట్ర సర్కార్‌ ఈ బిల్లును హోల్డ్‌లో పెట్టింది.

Also read: భారీ ఎన్‌ కౌంటర్‌..12 మంది మావోలు మృతి!

అయితే కర్ణాటక కేబినేట్ తీసుకున్న ఈ నిర్ణయం కన్నడిగులకు అనకూలమని సీఎం సిద్ధరామయ్య చెప్పినప్పిటికీ.. పలు ఐటీ ఇండస్ట్రీల నుంచి విమర్శలు వచ్చాయి. ఈ బిల్లు వల్ల బెంగళూరులో టెక్‌ ఇండస్ట్రీ అభివృద్ధికి ఆటంకం కలుగుతుందని.. ఉద్యోగాలపై ప్రభావం చూపుతాయని ఆందోళన వ్యక్తం చేశారు.