Kalki 2898AD : అదరగొట్టిన 'కల్కి' ఓపెనింగ్స్.. తొలి రోజు ఎన్ని కోట్లు కలెక్ట్ చేసిందంటే?

'Kalki 2898AD' Day 1 World Wide Collections : పాన్ ఇండియా స్టార్ ప్రభాస్‌ ‘కల్కి’ మూవీ బాక్సాఫీస్ దగ్గర సంచలనం సృష్టిస్తోంది. పురాణాలకు సైన్స్‌ను ముడిపెట్టి నాగ్ అశ్విన్‌ తెరకెక్కించిన ఈ చిత్రం విమర్శకుల ప్రశంసలు అందుకుంటోంది. పాన్ ఇండియా లెవెల్ లో రిలీజైన ఈ మూవీ అన్ని భాషల్లో హిట్ టాక్ తో దూసుకుపోతుంది. గురువారం వరల్డ్ వైడ్ గా రిలీజైన ఈ మూవీ భారీ ఓపెనింగ్స్ అందుకుంది. ముఖ్యంగా నార్త్ లో కల్కి క్రేజ్ నెక్స్ట్ లెవెల్ లో ఉంది.

ప్రముఖ సినీ క్రిటిక్ తరుణ్ ఆదర్శ్ తన ట్విట్టర్ వేదికగా కల్కి డే 1 కలెక్షన్స్ రిపోర్ట్ ను బయటపెట్టాడు. దాని ప్రకారం.. ఈ సినిమా కేవలం హిందీలోనే 22.50 కోట్ల నెట్, 27.50 కోట్ల గ్రాస్ కలెక్ట్ చేసిందట. ముఖ్యంగా నార్త్ లో ఉన్న టైర్2, టైర్ 3 సెంటర్స్ లో సాలిడ్ ఓపెనింగ్స్ అందుకుంది. ఇప్పటికే అక్కడ మరిన్ని థియేటర్స్ ను సైతం యాడ్ చేసినట్లు తెసులుస్తోంది.

Also Read : ఇన్ స్టాగ్రామ్ అకౌంట్ డిలీట్ చేసిన విశ్వక్ సేన్.. కారణం అదేనా?

అన్ని కోట్లా?

ఇక నార్త్ లో భారీ ఓపెనింగ్స్ అందుకున్న ఈ సినిమా తొలి రోజు వరల్డ్ వైడ్ రూ.190 కోట్ల గ్రాస్ వసూలు చేసినట్లు ఫిలిం క్రిటిక్ తరుణ్ ఆదర్శ్ వెల్లడించాడు. దీంతో ప్రభాస్ గత సినిమాల ఓపెనింగ్స్ ను 'కల్కి' డే 1 కలెక్షన్స్ బీట్ చేయడం విశేషం. ముందు ముందు ఈ సినిమా బాక్సాఫీస్ వద్ద ఇంకెలాంటి రికార్డ్స్ క్రియేట్ చేస్తుందో చూడాలి. సుమారు రూ.600 కోట్ల బడ్జెట్ తో రూపొందిన ఈ సినిమాని వైజయంతీ మూవీస్ బ్యానర్ పై అశ్వినీదత్ నిర్మించారు.