బ్రిటిన్ లో కబడ్డీ రగడ..7గురు భారతీయులు అరెస్ట్ !

బ్రిటీష్ కబడ్డీ ఫెడరేషన్ నిర్వహించే వార్షిక కబడ్డీ టోర్నమెంట్ బ్రిటన్‌లోని ఈస్ట్ మిడ్‌లాండ్స్‌లోని డెర్బీ నగరంలో జరుగుతుంది. ఈ ఏడాది యథావిధిగా ప్రారంభమైంది. దీనికి భారతీయ సంతతికి చెందిన పంజాబీ కమ్యూనిటీ హాజరయ్యారు.మ్యాచ్ లో ఇరు జట్లు హోరాహోరీగా తలపడ్డాయి. అది కాస్త వివాదానికి దారితీసింది. అనంతరం వారు ఆయుధాలతో పరస్పరం దాడి చేసుకున్నారు. పలువురు ఆటగాళ్లు గాయపడ్డారు.

మ్యాచ్‌లో పాల్గొనేందుకు వచ్చిన కొందరు ఆటగాళ్ల వద్ద తుపాకులు, కత్తులు, బ్లేడ్లు వంటి ఆయుధాలు ఉన్నాయని పోలీసులు తెలిపారు. అనంతరం పలు సెక్షన్ల కింద కేసు నమోదు చేసి ఏడుగురు భారతీయ సంతతికి చెందిన యువకులను అదుపులోకి తీసుకుని విచారిస్తున్నారు.