Jeffrey Vandersay: శ్రీలంక పనిష్మెంట్ బౌలర్.. అనుకోకుండా వచ్చాడు.. టీమిండియాను చావుదెబ్బ తీశాడు!

Jeffrey Vandersay:  భారత్-శ్రీలంకల రెండో వన్డే మ్యాచ్  ముందు, 34 ఏళ్ల బౌలర్ తన కెరీర్‌లో ఒక్కసారి కూడా 5 వికెట్లు తీయలేదు లేదా టీమ్ ఇండియాపై ఏ ఫార్మాట్‌లో కూడా వికెట్ తీయలేదు.  కానీ ఈ మ్యాచ్‌లో ఆడడం ద్వారా జెఫ్రీ వాండర్సే ఆ అద్భుతమైన పని చేశాడు. బహుశా దీనిని అతను కూడా ఊహించి ఉండడు. 

Jeffrey Vandersay:  అదృష్టం ఎప్పుడైనా మారవచ్చు. ఆటల  విషయానికి వస్తే, ఒక ఆటగాడు అకస్మాత్తుగా హీరో నుండి విలన్‌గా లేదా విలన్ నుండి హీరోగా మారడం తరచుగా కనిపిస్తుంది. 34 ఏళ్ల ఈ క్రికెటర్‌తో ఇలాంటిదే జరిగింది. శ్రీలంక టీం నుంచి క్రమశిక్షణ కారణంగా అతన్ని బయటకు పంపించారు. కొన్నిసార్లు అకస్మాత్తుగా మరొక ఆటగాడి స్థానాన్ని భర్తీ చేయడానికి జట్టులోకి తీసుకోవడం జరిగేది.  ఒకప్పుడు ఆ ఆటగాడు ప్రతి వికెట్ కోసం తహతహలాడాల్సి వచ్చేది.  ఇప్పుడు అదే ఆటగాడు మొత్తం టీమిండియా వికెట్లు  నాశనం కావడానికి కారణం అయ్యాడు. ఈ ఆటగాడే శ్రీలంక స్పిన్నర్ జెఫ్రీ వాండర్సే.. రెండో వన్డేలో ఏ బ్యాట్స్‌మెన్ ఔట్ చేయలేని రీతిలో టీమ్ ఇండియాను తన స్పిన్ ఉచ్చులో ఇరికించి.. విజయానికి వారిని దూరంగా తీసుకుపోయాడు. 

Jeffrey Vandersay:  వన్డే సిరీస్‌లో భాగంగా కొలంబో వేదికగా ఆగస్టు 4న ఆదివారం భారత్-శ్రీలంక మధ్య రెండో వన్డే జరిగింది. ఈ మ్యాచ్‌కు ఒక రోజు ముందు, శ్రీలంక జట్టు స్టార్ స్పిన్నర్ వనిందు హసరంగ స్నాయువు గాయం కారణంగా సిరీస్‌కు దూరమయ్యాడు. అటువంటి పరిస్థితిలో, శ్రీలంక జట్టు మళ్లీ వాండర్సేను జట్టులోకి పిలిచింది. 34 ఏళ్ల వాండర్సే చివరిసారిగా జనవరి 2024లో తన ODI మ్యాచ్ ఆడాడు.  అయితే టీమిండియాపై అతని ఏకైక ODI మ్యాచ్ గత ఏడాది జనవరిలో తిరువనంతపురంలో వచ్చింది.  అక్కడ అతను 7 ఓవర్లలో 59 పరుగులు ఇచ్చాడు. ఒక్క  వికెట్ కూడా తీసుకోలేకపోయాడు.

కేవలం 37 బంతుల్లోనే విధ్వంసం..

Jeffrey Vandersay:  వాండర్సే భారత్‌తో 2 టీ20 మ్యాచ్‌లు కూడా ఆడాడు కానీ ఇక్కడ కూడా అతనికి వికెట్ దక్కలేదు. ఇలాంటి పరిస్థితుల్లో ఈ స్పిన్నర్ టీమ్ ఇండియాపై ఇంత ప్రభావం చూపుతాడని ఎవరూ ఊహించి ఉండరు. 9 ఏళ్ల క్రితం వన్డేల్లో అరంగేట్రం చేసి, 23వ వన్డే మ్యాచ్‌ ఆడిన తర్వాత ఇలాంటివి చేయగలనని వాండర్సే కూడా స్వయంగా భావించి ఉండడు, కానీ కొన్నిసార్లు అదృష్టం చాలా దయతో  ఉంటుంది. సరిగ్గా వాండర్సే విషయంలో కూడా  అదే జరిగింది.

వాండర్సే మొదట రోహిత్ శర్మను తన స్పిన్‌లో చిక్కించుకున్నాడు. అంతకు ముందు రోహిత్ ప్రతి బౌలర్‌ను గట్టిగా వాయించాడు. రోహిత్ తరువాత వాండర్సే ఎక్కడా తగ్గలేదు. శుభ్‌మన్ గిల్, శివమ్ దూబే, విరాట్ కోహ్లీ, శ్రేయాస్ అయ్యర్, KL రాహుల్ వంటి దిగ్గజాల వికెట్లను ఒక్కొక్కటిగా తీశాడు. టీమిండియా తొలి 6 వికెట్లను వాండర్సే తీయడంతోపాటు కేవలం 6.1 ఓవర్లలోనే ఈ అద్భుతం చేశాడు. తన 10 ఓవర్లలో మొత్తం 33 పరుగులిచ్చి 6 వికెట్లు పడగొట్టాడు.

క్రమశిక్షణ కారణంగా..

Jeffrey Vandersay:  ఈ మ్యాచ్‌కు ముందు, వాండర్సే 22 మ్యాచ్‌ల్లో ఒక్కసారి మాత్రమే ఇన్నింగ్స్‌లో 4 వికెట్లు తీశాడు, కానీ ఎన్నడూ 5 వికెట్లను చేరుకోలేకపోయాడు. ఈసారి ఈ నిరీక్షణను కూడా ముగించాడు. వాండర్సేకి ఇది కూడా ప్రత్యేకమైనది, ఎందుకంటే కొన్ని సంవత్సరాల క్రితం అతని ప్రవర్తన బాగాలేదని ఆరోపణలకు గురయ్యాడు. టీమ్ నుంచి ఉద్వాసన పలికారు. అప్పుడు అతని కెరీర్ ప్రమాదంలో ఉన్నట్లు అనిపించింది. 2018లో వెస్టిండీస్ టూర్‌లో జట్టులో చోటు దక్కించుకున్నాడు కానీ ఏ మ్యాచ్‌లోనూ అవకాశం రాలేదు. ఆ తర్వాత చివరి టెస్టు మ్యాచ్‌కు ముందు అతని చెడు ప్రవర్తన కారణంగా శ్రీలంకకు వెనక్కి పంపించేశారు. 2018లోనే, కొన్ని నెలల తర్వాత, ఇదే పొరపాటు కారణంగా అతను మళ్లీ టోర్నమెంట్ నుండి ఇంటికి పంపించే స్థితిని తెచ్చుకున్నాడు. ఇలాంటి అస్థిరమైన బౌలర్ టీమిండియా పటిష్ట బ్యాటర్స్ ను వరుసగా పెవిలియన్ కు పంపించడమే కాకుండా.. వారి ఓటమికి కూడా కారణం అయ్యాడు.