IRDAI: హెల్త్ ఇన్సూరెన్స్.. ఏజ్ లిమిట్ రూల్ మారింది తెలుసా?

ఇన్సూరెన్స్ మార్కెట్‌ను విస్తృతం చేయడానికి అలాగే ఆరోగ్య సంరక్షణ ఖర్చుల నుండి తగిన రక్షణను ప్రోత్సహించే ఉద్దేశ్యంతో, బీమా నియంత్రణ సంస్థ IRDAI ఆరోగ్య బీమా పాలసీని కొనుగోలు చేసే వ్యక్తులకు 65 సంవత్సరాల వయోపరిమితిని తొలగించింది. ఆరోగ్య బీమా ప్లాన్‌లను కొనుగోలు చేయడంపై గరిష్ట వయోపరిమితిని తొలగించడం ద్వారా, ఇన్సూరెన్స్ రెగ్యులేటరీ అండ్ డెవలప్‌మెంట్ అథారిటీ ఆఫ్ ఇండియా (Irdai) ఊహించని వైద్య ఖర్చుల నుండి తగిన రక్షణను అందించడం కోసం ప్రయత్నాలు మొదలు పెట్టింది. దీనివలన  మరింత సమగ్రమైన- అందుబాటులో ఉండే ఆరోగ్య సంరక్షణ వ్యవస్థను ప్రోత్సహించడం లక్ష్యంగా IRDAI పెట్టుకుంది.

ఇది కూడా చదవండి: ఈ కారు రూటే సపరేటు.. ప్రయాణంలోనూ ఇంటిలో ఉన్నంత హాయిగా..

ఇంతక్రితం ఇచ్చిన మార్గదర్శకాల ప్రకారం, వ్యక్తులు 65 సంవత్సరాల వయస్సు వరకు మాత్రమే కొత్త బీమా పాలసీని కొనుగోలు చేయడానికి అనుమతి ఉండేది.  అయితే, ఇటీవలి సవరణ ఏప్రిల్ 1 నుండి అమల్లోకి రావడంతో, ఏ వయస్సు వారైనా కొత్త బీమా పాలసీని కొనుగోలు చేయడానికి అర్హులు అవుతారు. ఇటీవలి గెజిట్ నోటిఫికేషన్‌లో, IRDAI అన్ని వయసుల వారి అవసరాలకు అనుగుణంగా ఆరోగ్య బీమా ఉత్పత్తులను అందజేస్తుందని ఇన్సూరెన్స్ కంపెనీలు నిర్ధారించాలి.  బీమా సంస్థలు సీనియర్ సిటిజన్లు, విద్యార్థులు, పిల్లలు, ప్రసూతి, సమర్థ అధికారం ద్వారా పేర్కొన్న ఏదైనా ఇతర గ్రూపుల కోసం అయినా ప్రత్యేకంగా ప్రోడక్ట్స్ రూపొందించవచ్చు.

అంతేకాకుండా, ఏదైనా రకమైన వైద్య పరిస్థితిలో ఉన్న వ్యక్తులకైనా సరే హెల్త్ పాలసీలు ఇవ్వాలని  బీమా సంస్థలకు ఇప్పటికే ఆదేశాలు ఇచ్చారు.  దీనివలన క్యాన్సర్, గుండె లేదా మూత్రపిండాల వైఫల్యం అలాగే  AIDS వంటి తీవ్రమైన వైద్య పరిస్థితులు ఉన్న వ్యక్తులకు పాలసీలను జారీ చేయడానికి బీమా సంస్థలు నిరాకరించడాన్ని నిషేధించారు. నోటిఫికేషన్ ప్రకారం, పాలసీదారుల సౌలభ్యం కోసం ఇన్సూరెన్స్‌లు వాయిదాలలో ప్రీమియం చెల్లింపును అందించడానికి అనుమతించాలి.  సాధారణ - ఆరోగ్య బీమా సంస్థలు మాత్రమే ప్రయాణ పాలసీలను అందించగలవు. ఆయుష్ చికిత్స కవరేజీపై ఎలాంటి పరిమితి లేదని IRDAI పేర్కొంది. ఆయుర్వేదం, యోగా, నేచురోపతి, యునాని, సిద్ధ - హోమియోపతి వంటి విధానాలలో చికిత్స ఎటువంటి పరిమితి లేకుండా ఇన్సూరెన్స్ మొత్తంలో కవరేజీని పొందుతుంది. ప్రయోజనం ఆధారిత బీమా ఉన్న పాలసీదారులు వేర్వేరు బీమా సంస్థలతో బహుళ క్లెయిమ్‌లను దాఖలు చేయవచ్చు అని IRDAI నోటిఫికేషన్ పేర్కొంది.