IPL: ధోనీ ఫ్యాన్స్‎కు పండుగే.. రిటెన్షన్ లిస్టులో ‘మిస్టర్ కూల్’

MSD: ధోనీ ఫాన్స్‎కు గుడ్ న్యూస్. మెరుపులాంటి ధనాధన్ ఇన్నింగ్స్‎లను మరికొన్ని రోజులు చూడొచ్చు. అనితరసాధ్యమనిపించే హెలికాప్టర్ షాట్లను ఇంకా ఆస్వాదించొచ్చు. ఛేజింగ్ లో రిక్వైర్డ్ రన్‎రేట్ ఎంతున్నా ‘ధోనీ ఉన్నాడుగా’ అన్న భరోసా ఈ సీజన్ లో కూడా కంటిన్యూ అవుతుంది. ఈ ఐపీఎల్‎ (IPL)లో ‘మిస్టర్ కూల్’ ఆడుతాడా, లేదా అని సందిగ్ధంలో ఉన్న అభిమానులకు మొత్తానికి ఓ క్లారిటీ వచ్చేసింది. చెన్నై సూపర్ కింగ్స్ (CSK) రిలీజ్ చేసిన రిటెన్షన్ లిస్ట్‎లో కెప్టెన్‎గా ధోనీ పేరు అలాగే ఉంది. అంటే ఈ బెస్ట్ ఫినిషర్ ఈసారి కూడా గ్రౌండ్ లో తన వ్యూహాలను పారించేందుకు రెడీగా ఉన్నాడనే కదా. ఇక ఈ సీజన్ కూడా ఫాన్స్ కు పండుగే అన్నమాట.

ఇది కూడా చదవండి: బోర‘బండ’ బ్రూక్‌కు బై బై.. ఇంటికెళ్లి బొజ్జో బ్రో!

లాస్ట్ ఐపీఎల్ టైంలోనే ధోనీ (Dhoni) రిటైర్మెంట్‎పై చాలా ప్రచారం జరిగింది. అందుకు తగ్గట్టుగానే తను కూడా బ్యాటింగ్‎కు అంతగా ఆసక్తి చూపినట్లు కనిపించలేదు. ఇతర బ్యాట్స్‎మెన్ అందరినీ ముందకు పంపి తను టెయిలెండర్ల స్థానంలో గ్రౌండ్ లో దిగాడు. ఓ దశలో పరోక్షంగా రిటైర్మెంట్‎పై కీలక వ్యాఖ్యలు చేశాడు. తాజాగా రిటెన్షన్ లిస్టులో ధోనీ పేరుండడంతో తను ఈసారి ఆడడం ఫిక్సయిపోయినట్లే భావించాలి.

సీఎస్కే రిటెన్షన్ లిస్టులోని ప్లేయర్లు:
ఎం.ఎస్. ధోని (కెప్టెన్/వికెట్ కీపర్), మొయిన్ అలీ, దీపక్ చాహర్, డెవాన్ కాన్వే (వికెట్ కీపర్), తుషార్ దేశ్‌పాండే, శివమ్ దూబే, రుతురాజ్ గైక్వాడ్, రాజవర్ధన్ హంగర్గేకర్, రవీంద్ర జడేజా, అజయ్ మండల్, ముఖేశ్ చౌదరి, మతీషా పతిరానా, అజింక్యా రహానే, శక్య రహానే, మిచెల్ సాంట్నర్, సిమర్‌జీత్ సింగ్, నిశాంత్ సింధు, ప్రశాంత్ సోలంకి, మహేశ్ తీక్షణ.