Insurance Rules: మీకు తెలుసా? హెల్త్ ఇన్సూరెన్స్ ప్రీమియంలు నగరాలను బట్టి నిర్ణయిస్తారు 

Insurance Rules: హెల్త్ ఇన్సూరెన్స్ కు సంబంధించి చిన్న కథ చెప్పుకుందాం. అమలాపురంలో ఉండే ప్రవీణ్ కుమార్ కు అకస్మాత్తుగా ఆరోగ్యం పాడయింది. అక్కడ ఆసుపత్రిలో చూపిస్తే.. వెంటనే హైదరాబాద్ ఆసుపత్రికి తీసుకువెళ్లామన్నారు. దీంతో అతనిని హైదరాబాద్ లోని ఒక కార్పొరేట్ ఆసుపత్రికి తీసుకువెళ్లారు కుటుంబ సభ్యులు. అక్కడ అతనికి అత్యవసరంగా ఆపరేషన్ చేశారు. దానికి నాలుగు లక్షల రూపాయలు ఖర్చు అయింది. ప్రవీణ్ కు ఐదు లక్షల రూపాయల హెల్త్ ఇన్సూరెన్స్ పాలసీ ఉంది. కానీ, ఇన్సూరెన్స్ కంపెనీ అతని 4 లక్షల రూపాయల క్లెయిమ్ లో కేవలం 3 లక్షల 20 వేలు మాత్రమే చెల్లించింది. అంటే క్లెయిమ్ ను 20శాతం తగ్గించింది. దీంతో ప్రవీణ్ 80 వేల రూపాయలను జేబు నుంచి ఖర్చు చేసుకోవాల్సి వచ్చింది. అసలు ప్రవీణ్ కు ఇన్సూరెన్స్ పాలసీ ఉన్నా.. అందులో అవకాశం ఉన్నా.. ఎందుకు క్లెయిమ్ తగ్గింది? ఈ విషయం గురించి ఇప్పుడు అర్ధం చేసుకుందాం. 

Insurance Rules: ప్రవీణ్ కు  పూర్తి క్లెయిమ్ రాకపోవడానికి ఇన్సూరెన్స్ కంపెనీ కాదు కానీ మనం పెద్దగా పట్టించుకోని హెల్త్ ఇన్సూరెన్స్ కు సంబంధించిన నిబంధనలే కారణం. వాస్తవానికి, హెల్త్ ఇన్సూరెన్స్  ప్రీమియంను అనేక అంశాల ఆధారంగా నిర్ణయిస్తారు.  ఇన్సూర్  చేసిన వ్యక్తి వయస్సు, వైద్య చరిత్ర, వృత్తి అలాగే  అతను ఏ నగరంలో నివసిస్తున్నాడు వంటివి ఇందులో ఉంటాయి. హెల్త్ ఇన్సూరెన్స్ కంపెనీలు ప్రీమియం ధరను పాలసీ తీసుకుంటున్న వ్యక్తి నివసిస్తున్న నగరం ప్రకారం మూడు కేటగిరీలుగా విభజించాయి. అవి జోన్-ఎ, జోన్-బి, జోన్-సి.

జోన్-ఎ, బెంగళూరు, అహ్మదాబాద్, సూరత్, జైపూర్ వంటి దేశంలోని మెట్రో నగరాలు.  జోన్-బిలో పట్టణాలను చేర్చారు. ఇక మిగిలిన ప్రాంతాలు జోన్-సిలో ఉన్నాయి. అయితే, ఇన్సూరెన్స్  కంపెనీలు తమ సొంతంగా జోన్ల వర్గాలను సృష్టించాయి. అందువల్ల, సంస్థను బట్టి.. ఇన్సూరెన్స్ ప్లాన్స్ లో  జోన్ల వర్గం భిన్నంగా ఉంటుంది. పెద్ద నగరాలతో పోలిస్తే గ్రామాలు లేదా చిన్న పట్టణాల్లో నివసించే ప్రజలకు ఆరోగ్య బీమా చౌకగా లభిస్తుంది. కానీ వారు ఈ బీమా(Insurance Rules)ను పెద్ద నగరంలో ఉపయోగించినప్పుడు, పాలసీ నిబంధనల ఆధారంగా కంపెనీ క్లెయిమ్ మొత్తాన్ని తగ్గిస్తుంది.

Also Read:  కొనఊపిరితో చైనా ఆర్ధిక వ్యవస్థ.. పరిస్థితి ఇదీ.. 

ఉదాహరణకు, ప్రవీణ్ వయస్సు 30 సంవత్సరాలు. కుటుంబంలో భార్య,ఇద్దరు పిల్లలు ఉన్నారు... అతను తన హైదరాబాద్ ఎడ్రస్ లో రూ. 5 లక్షల బజాజ్ అలియాంజ్ హెల్త్ గార్డ్ ఫ్యామిలీ ఫ్లోటర్ ప్లాన్‌ను తీసుకుంటే, అంటే జోన్-Aలో, అతను రూ. 20,945 ప్రీమియం చెల్లించాలి. జోన్-బిలో దీనికి రూ.16,756 చెల్లించాల్సి ఉంటుంది. జోన్-సిలో రూ.5 లక్షల కవర్ కోసం రూ.14,662 చెల్లించాల్సి ఉంటుంది. ఈ విధంగా, ప్రవీణ్ జోన్-బి చిరునామాలో బీమా ప్లాన్‌ను కొనుగోలు చేస్తే, జోన్-సి చిరునామాలో కొనుగోలు చేసిన దానికంటే 20% తక్కువ ధర ఉంటుంది.

Insurance Rules: మనం బజాజ్ అలియాంజ్ గురించి చూసినట్లయితే,  జోన్ సి బీమా పొందినవారు జోన్ A ఆసుపత్రిలో చికిత్స పొందినట్లయితే, అతను తన స్వంత జేబు నుండి 20 శాతం కో-పేమెంట్ చేయాలి. అదేవిధంగా, జోన్-బికి చెందిన ఇన్సూరెన్స్ పాలసీ  పొందిన వ్యక్తి జోన్-ఎలో చికిత్స కోసం తన సొంత జేబులో నుండి 15 శాతం ఖర్చులను చెల్లించాలి. మీరు జోన్-సి నుండి జోన్-బికి చికిత్స పొందినట్లయితే, మీరు 5% తక్కువ క్లెయిమ్ పొందుతారు.

ప్రవీణ్ విషయంలోనూ అదే జరిగింది. అతను అమలాపురం  అంటే జోన్-సి ప్రీమియం ఆధారంగా బీమా రక్షణను తీసుకున్నాడు.  జోన్-ఎలో చికిత్స పొందాడు. దీంతో అతనికి పూర్తి హక్కు లభించలేదు. మీరు ఒక చిన్న నగరం జోన్-Cలో నివసిస్తుంటే, మీరు జోన్-A ప్రీమియం ఎంపికను కూడా ఎంచుకోవచ్చు.

Insurance Rules: మీరు చిన్న పట్టణంలో నివసిస్తుంటే, రెండు రకాల ఆరోగ్య ప్రణాళిక ఎంపికలు ఉంటాయి. మీరు ఎక్కువ ప్రీమియం చెల్లించి జోన్ వారీ ప్రీమియం లేదా రెగ్యులర్ హెల్త్ ప్లాన్ కింద తక్కువ ప్రీమియంతో ప్లాన్ తీసుకోవచ్చు. చాలా సార్లు, చౌక ప్రీమియం కోసం, ప్రజలు సహ-చెల్లింపు నియమాలను అర్థం చేసుకోకుండా జోన్ ఆధారంగా బీమా తీసుకుంటారు. భవిష్యత్తులో, పెద్ద నగరంలో చికిత్స పొందవలసి వస్తే, ప్రవీణ్ లాగా, మీరు క్లెయిమ్ చెల్లింపులో సహ-చెల్లింపు విషయంలో మోసపోయినట్లు భావిస్తారు.

Insurance Rules: మెట్రోలతో పోలిస్తే చిన్న నగరాల్లో ఆసుపత్రి ఖర్చు తక్కువ. భీమా సంస్థలు కూడా మెట్రోపాలిటన్ నగరాల్లో నివసించే ప్రజలు జీవనశైలి వ్యాధుల ప్రమాదాన్ని ఎక్కువగా కలిగి ఉంటారని భావిస్తాయి. అందువల్ల జోన్-Aకి ప్రీమియం ఎక్కువగా ఉంటుంది. కొన్ని బీమా కంపెనీలు గ్రామాలు- చిన్న పట్టణాల్లోని ప్రజలకు తక్కువ ధర ప్రయోజనాలను అందించడానికి ప్రయత్నిస్తాయి. కానీ మీరు ప్రీమియంలో రూ.2-4 వేల ప్రయోజనం చూడకూడదు. మీరు భవిష్యత్తులో పెద్ద నగరంలో చికిత్స చేయించుకోవాల్సి వస్తే, ఒకేసారి ఆదా చేయడంతో పోలిస్తే మీరు చాలా రెట్లు ఎక్కువ మొత్తాన్ని చెల్లించాల్సి ఉంటుంది. అని ఇన్సూరెన్స్ నిపుణులు చెబుతున్నారు. 

Insurance Rules: ప్రవీణ్ కు వచ్చిన సమస్య లాంటి దానిని నివారించడానికి, కొంచెం ఎక్కువ ప్రీమియం చెల్లించడం ద్వారా దేశంలో ఎక్కడైనా పూర్తి నగదు రహిత కవర్ సౌకర్యాన్ని పొందాలి. మీరు ఒక జోన్ నుండి మరొక జోన్‌కు మారుతున్నట్లయితే, మీ ఇన్సూరెన్స్ కంపెనీకి తెలియజేయండి, తద్వారా మీరు పాలసీని పునరుద్ధరించే తదుపరిసారి ప్రీమియం సర్దుబాటు చేస్తారు.  క్లెయిమ్ తీసుకునేటప్పుడు మీరు ప్రవీణ్ ఎదుర్కున్నటువంటి సమస్యలను ఎదుర్కోవాల్సిన అవసరం లేదు. ఆరోగ్య భద్రత విషయంలో రూ.2-4 వేలు ఆదా చేయాలని అనుకోవడంలో అర్థం లేదు కదా!