/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/08/FotoJet-8-6.jpg)
RRB Recruitment 2024: నిరుద్యోగులకు భారతీయ రైల్వే మరో గుడ్ న్యూస్ చెప్పింది. ఇటీవలే భారీ నోటఫికేషన్ రిలీజ్ చేసిన రైల్వే రిక్రూట్‌మెంట్ బోర్డు తాజాగా మరో ఉద్యోగ ప్రకటన చేసింది. ఈ మేరకు దేశవ్యాప్తంగా వివిధ కేటగిరీల్లో 1,376 పారా మెడికల్ ఉద్యోగాల భర్తీకి దరఖాస్తులు ఆహ్వానించింది.
విభాగాల వారీగా ఖాళీలు: 1376
నర్సింగ్ సూపరింటెండెంట్ 713, డైటీషియన్ (లెవల్-7) 05, అడియాలజిస్ట్ అండ్ స్పీచ్ థెరపిస్ట్ 04, క్లినికల్ సైకాలజిస్ట్ 07, డెంటల్ హైజీనిస్ట్ 03,
డయాలసిస్ టెక్నీషియన్ 20, హెల్త్ అండ్ మలేరియా ఇన్‌స్పెక్టర్ గ్రేడ్-III 126, ల్యాబొరేటరీ సూపరింటెండెంట్ 27, పెర్ఫ్యూషనిస్ట్ 02, స్పీచ్ థెరపిస్ట్ 01, కార్డియాక్ టెక్నీషియన్ 04, ఆప్టోమెట్రిస్ట్ 04, ఈసీజీ టెక్నీషియన్13, ల్యాబొరేటరీ అసిస్టెంట్ గ్రేడ్-II 94, ఫీల్డ్ వర్కర్ 19 ఫిజియోథెరపిస్ట్ గ్రేడ్-II 20, ఆక్యుపేషనల్ థెరపిస్ట్ 02, క్యాథ్‌ ల్యాబొరేటరీ టెక్నీషియన్ 02, ఫార్మసిస్ట్ (ఎంట్రీ గ్రేడ్) 246, రేడియోగ్రాఫర్ ఎక్స్-రే టెక్నీషియన్ 64,
విద్యార్హతలు:
పోస్టులను అనుసరించి సంబంధిత విభాగంలో 10+2, జీఎన్‌ఎం, డిప్లొమా, డిగ్రీ, పీజీ డిప్లొమా, పీజీ ఉత్తీర్ణులై ఉండాలి.
దరఖాస్తు తేది:
ఆగస్టు 17 నుంచి సెప్టెంబర్‌ 16వ వరకూ ఆన్‌లైన్‌ విధానంలో దరఖాస్తు చేసుకోవాలి. ఎడిట్ ఆప్షన్ సెప్టెంబర్‌ 17 నుంచి 26 వరకు.
పరీక్ష ఫీజు:
ఎస్సీ, ఎస్టీ, మాజీ సైనికోద్యోగులు, పీడబ్ల్యూబీడీ, మహిళలు, ట్రాన్స్‌జెండర్, ఈబీసీలకు రూ.250. ఇతరులు రూ. 500 చెల్లించాలి.
ఎంపిక విధానం:
సీబీటీ (కంప్యూటర్ ఆధారిత పరీక్ష), రూల్ ఆఫ్‌ రిజర్వేషన్, డాక్యుమెంట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక చేస్తారు.
రాత పరీక్ష సబ్జెక్టులు:
ప్రొఫెషనల్ ఎబిలిటీ (70 ప్రశ్నలు- 70 మార్కులు), జనరల్ అవేర్‌నెస్ (10 ప్రశ్నలు- 10 మార్కులు), జనరల్ అరిథ్‌మెటిక్, జనరల్ ఇంటెలిజెన్స్ అండ్ రీజనింగ్ (10 ప్రశ్నలు- 10 మార్కులు), జనరల్ సైన్స్ (10 ప్రశ్నలు- 10 మార్కులు). మొత్తం మార్కులు 100లకు ఉంటుంది. పరీక్ష సమయం.. 90 నిమిషాల వ్యవధి ఉంటుంది.
భర్తీ చేసే రీజియన్లు:
అహ్మదాబాద్, చెన్నై, ముజఫర్‌పూర్, అజ్‌మేర్, గోరఖ్‌పూర్, పట్నా, బెంగళూరు, గువాహటి, ప్రయాగ్‌రాజ్, భోపాల్, జమ్ము- శ్రీనగర్, రాంచీ, భువనేశ్వర్, కోల్‌కతా, సికింద్రాబాద్, బిలాస్‌పూర్, మాల్దా, సిలిగురి, ముంబయి, తిరువనంతపురం తదితర రీజియన్లలో ఈ పోస్టులను భర్తీ చేస్తారు.
మరిన్ని వివరాలకు అధికారిక వెబ్ సెట్: https://indianrailways.gov.in/